ក្រុងប៉ោយប៉ែត៖ បុគ្គលិកជនជាតិថៃជាង៦០នាក់ ដែលត្រូវថៅកែល្បែងតាមអនឡាញជនជាតិចិនក្នុងក្រុងប៉ោយប៉ែត ជាក្រុមជួញដូរមនុស្សបង្ខំឲ្យធ្វើការខុសច្បាប់ រួមទាំងធ្វើទុក្ខបុកម្នេញ និងលក់បន្តទៅឲ្យថៅកែអនឡាញជនជាតិចិនផ្សេងបើមិនអាចធ្វើការត្រូវបានកម្លាំងសមត្ថកិច្ចកម្ពុជាទៅរំដោះចេញហើយ។ ក្រុមចំណាប់ខ្មាំងជនជាតិថៃនេះបើចង់ត្រឡប់ទៅប្រទេសថៃវិញត្រូវយកលុយមកលោះក្នុងម្នាក់ៗចាប់ពី៣០,០០០ទៅ៥០,០០០បាតប្រាក់ថៃ។
សមត្ថកិច្ចកម្ពុជាបានឲ្យដឹងថា ក្រោយពីកម្លាំងសមត្ថកិច្ចកម្ពុជារំដោះជនជាតិថៃជាង៦០នាក់បានហើយ ក៏បានប្រគល់ពួកគេទាំងប្រុស-ស្រីជាង៦០នាក់ ទៅឲ្យភាគីថៃនៅលើស្ពានមិត្តភាពកម្ពុជា-ថៃកាលពីវេលាម៉ោង១០ព្រឹក ថ្ងៃទី១៥ វិច្ឆិកា២០២១នេះ។ប្រភពច្បាស់ការប្រាប់ថា បញ្ហាខាងលើនេះជនរងគ្រោះជាជនជាតិថៃបានប្ដឹងទៅស្ថានទូតថៃនៅព្រះរាជាណាចក្រថៃទើបកម្លាំងជម្នាញថៃផ្ដល់ព័ត៌មានទៅស្ថានទូតថៃប្រចាំព្រះរាជាណាចក្រកម្ពុជាដើម្បីសុំកម្លាំងសហការនិងជួយសង្គ្រោះជនជាតិថៃដែលត្រូវក្រុមជួញដូរមនុស្សធ្វើទុក្ខបុកម្នេញ។
ប្រភពដដែលបន្តថាក្រោយពីទទួលកិច្ចអន្តរាគមន៍ពីស្ថានទូតថៃប្រចាំកម្ពុជា ទើបកម្លាំងជំនាញរបស់ក្រសួងមហាផ្ទៃសុំកិច្ចសហការជាមួយកម្លាំងសមត្ថកិច្ចខេត្តបន្ទាយមានជ័យដើម្បីស្រាវជ្រាវ។
កម្លាំងសមត្ថកិច្ចជំនាញបានរំដោះជនជាតិថៃទាំងនោះចេញពីកន្លែងធ្វើការកាលពីថ្ងៃទី១៤ខែឆ្នាំដដែល ហើយយកជនជាតិថៃប្រុស ស្រីទាំងអស់ទៅរក្សានៅកន្លែងកម្លាំងនគរបាលវរការពារព្រំដែនគោក៩១១។លុះនៅព្រឹកថ្ងៃទី១៥ខែវិច្ចការឆ្នាំ២០២១នេះជនជាតិថៃទាំងអស់នោះត្រូវបានកម្លាំងជំនាញកម្ពុជាប្រគល់ជូនកម្លាំងសមត្ថកិច្ចថៃនៅលើស្ពានច្រកទ្វារព្រំដែនអន្តរជាតិប៉ោយប៉ែត។
មិនដឹងថាតើហេតុអីករណីមួយនេះកម្លាំងសន្តិសុខផ្ទៃក្នុងរបស់ក្រសួងមហាផ្ទៃដែលឈរជើងនៅក្រុងប៉ោយប៉ែតរាប់សិបនាក់មិនដឹង?ឬមួយត្រូវឈ្មួញបិទមាត់?។បើកុំតែជនរងគ្រោះជនជាតិថៃប្ដឹងទៅស្ថានទូតរបស់គេថាមានថៅកែអនឡាញចិនបង្ខំឲ្យជនជាតិថៃជាង៦០នាក់ដើម្បីធ្វើការងារឲ្យគេ ហើយត្រូវបានកម្លាំងក្រសួងមហាផ្ទៃចុះមកជួយសង្គ្រោះទើបដឹង។ម្យ៉ាងទៀតបើតាមប្រភពពីសមត្តកិច្ចផ្សេងបាឲ្យដឹងថា៖សម្រាប់បនល្បែងនៅទីក្រុងប៉ោយប៉ែតមិនត្រូវបានបិទតាមបទបញ្ជាររាជរដ្ឋាភិបាលនោះទេ តាំងពីដំណាក់កាលcovid-19ដំបូងរហូតទល់បច្ចុប្បន្នក៏សមត្តកិច្ចមិនមានបញ្ហាអីទៀត។