មណ្ឌលគិរីៈ ផ្ទុះអាវុធមួយប្រាវ ក្រុងសែមនោរម្យ បណ្តាលអោយនាយរងផ្នែករដ្ឋបាលព្រៃឈើសែនមនោរម្យម្នាក់រងរបួស បញ្ជូនមកសង្រោះ្គនៅមន្ទីរពេទ្យបង្អែកខេត្តទាំងយប់ ។
ហេតុការណ៍នេះបានកើតឡើងវេលាម៉ោង ១០ ០០នាទីយប់ថ្ងៃទី ០៤ កក្កដា ២០១៤ ត្រង់ចំណុចផ្លូវកែងដាក់ដាំ សង្កាត់ ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
លោក សូរ សុវណ្ណ ស្នងការរងខេត្តបានបញ្ជាក់ប្រាប់ថាៈអ្នករងរបួសក្នុងហេតុការណ៍ខាងលើនេះឈ្មោះ ហេង ចន្ត្រា ភេទ ប្រុស អាយុ ៤៤ឆ្នាំមានតួនាទីជានាយរងផ្នែករដ្ឋបាលព្រៃឈើសែនមនោរម្យត្រូវបានជនមិនស្គាល់មុខបាញ់រះចំនួន៣គ្រាប់ ចំដៃឆ្វេង១គ្រាប់បណ្តាលអោយរងរបួបត្រូវបានបញ្ជូនមកសង្គ្រោះមន្ទីរពេទ្យខេត្ត។លោកស្នការរងថាៈរឿងនេះសមត្ថកិច្ចកំពុងស្រាវជ្រាវក្នុងករណីនេះ ។
លោក ហេង ចន្ត្រា រងរបួសបានប្រាប់អ្នកឆ្លើយឆ្លងព័ត៍មានថា មុនពេលកើតហេតុខ្លួនបានចតរថយន្តនៅអែបផ្លូវមួយសន្ទុះ ស្រាបប់តែមានរថយន្តតូចចំនួនមួយគ្រឿងឆ្វែលចុះឡើងឃើញជនសង្ស័យចុះមកសួរថា លោកឯងខាងណាមកធ្វើអី? មួយមាត់២មាត់សួរចប់ ស្រាប់តែជននោះដកកាំភ្លើងបាញ់រះសំដៅមកលើរថយន្តរបស់លោកចំនួន ៣ គ្រាប់ បណ្តាលអោយរងរបួសតែម្តង ។ ភ្លាមនោះ ក៏មានការបាញ់តបតគ្នាវិញ ប៉ុន្តែជនមិនស្គាល់មុខបើករថយន្តគេចខ្លួនបាត់តែម្តងទៅ ។
លោក ហេង ចន្ត្រាបានប្រាប់ថា រថយន្តដែលជនមិនស្គាល់មុខជិះធ្វើសកម្មភាព(ប្រហាក់ប្រហែលកាមឺរី)ពាក់ស្លាក់លេខ 2D 9531 ។តាមការសន្និដ្ឋានរបស់សមត្ថកិច្ចប្រាប់ថាកាំភ្លើងដែលជនមិនស្គាល់មុខប្រើប្រាស់គឺជាក្បាលគ្រាប់ K 54៕