ប្រភពពីសមត្ថកិច្ចឲ្យដឹងថា លោក ដាក សុខា អធិការរងស្រុកគាស់ក្រឡ ខេត្តបាត់ដំបង ទទួលបន្ទុកគ្រឿងញៀន ត្រូវបានកម្លាំង ព្រហ្មទណ្ឌចាប់ខ្លួន នាថ្ងៃទី៤វិច្ឆិកាហើយកសាងសំណុំរឿង ត្រៀមបញ្ជូនទៅតុលាការចាត់ការតាមច្បាប់ ។
អធិការរងនគរបាលស្រុករូបត្រូវបានរកឃើញថាមានជាប់ពាក់ព័ន្ធទៅនឹងអំពើឃាតកម្ម(សម្លាប់បងថ្លៃខ្លួន)កាលពីចុងខែសីហា កន្លងទៅនេះ នៅភូមិបាស្រែ ឃុំដូនបា ស្រុកគាស់ក្រឡ ខេត្តបាត់ដំបង ។ ព្រោះមុនពេលបាត់ខ្លួនមានសាក្សីឃើញជនរងគ្រោះជាប់ខ្នោះដៃជិះក្នុងឡានព្រុសលោកដាក់សុខាដែលត្រូវជាប្អូនថ្លៃជាមួយមន្ត្រីនគរបាលម្នាក់ទៀត។
លោកឧត្តមសេនីយ៍ទោ សាត គឹមសាន ស្នងការនគបាលខេត្តបាត់ដំបង បានថ្លែងប្រាប់អ្នកសារព័ត៍មាន នៅព្រឹកថ្ងៃទី០៥ វិច្ឆិកាដោយទទួលស្គាល់ថា “ ពិតជាឃាត់ខ្លួនលោកអធិការរងម្នាក់នេះមែន តែកំពុងស្ថិតក្នុងការស្រាវជ្រាវនៅឡើយ “ ៕
