កំពង់ស្ពឺ ៖ ស្ទាវចំនួន ២នាក់ ត្រូវបានកម្លាំងនគរបាលខេត្តកំពង់ស្ពឺ បង្ហាញមុខជាសាធារណៈ ក្រោយចាប់ខ្លួនបញ្ជូនទៅតុលាការ នៅថ្ងៃទី៥ ខែវិច្ឆិកា ឆ្នាំ២០២១ពាក់ពន្ថ័និងការប្រើប្រាសអាវុធបង្កអសន្តិសុខ។
លោកឧត្តមសេនីយ៍ទោ សម សាមួន ស្នងការនគរបាល ខេត្ដ កំពង់ស្ពឺ បានឱ្យដឹងថា កម្លាំងនគរបាលស្រុកឧដុង្គ បានចេញប្រតិបត្តការប្រម៉ាញ់ក្រុមអ្នកក្លាហានមួយក្រុមប្រដាប់ដោយដាវសាំម៉ូរ៉ៃ និងដំបង ចេញអុកឡុកបង្កការភ័យខ្លាចដល់ក្រុមអ្នកបង់ត្រីនៅក្នុង ភូមិតា ឡក ឃុំក្សេមក្សាន្ដ ស្រុកឧដុង្គ ខេត្ដកំពង់ស្ពឺ។
អធិការនគរបាលស្រុក បានដឹកនាំកម្លាំងចុះប្រតិបត្តិការបង្ក្រាបបានភ្លាមៗចំនួន ២នាក់ ក្នុងចំណោមបក្ខពួកជាច្រើននាក់ផ្សេងទៀត បញ្ជូនទៅស្នងការដ្ឋាននគរបាលខេត្ត។ ក្នុងចំណោម ២នាក់ ដែលចាប់ខ្លួនបាន ឈ្មោះ អូន រក្សា ភេទប្រុ ស អាយុ ២៣ឆ្នាំ រស់នៅ ភូមិត្រាចទង ឃុំក្សេមក្សាន្ដ ស្រុកឧដុង្គ ខេត្ដកំពង់ស្ពឺ (អ្នកក្លាហានដាវ សាំម៉ូរ៉ៃ) និងឈ្មោះ អូន លីយ៉ា ភេទប្រុស អាយុ ១៧ឆ្នាំ នៅ ភូមិត្រាចទង ឃុំក្សេមក្សាន្ដ ស្រុកឧដុង្គ ខេត្ដកពង់ស្ពឺ (អ្នកក្លាហានដំបងវៃឆ្កែ)។
បច្ចុប្បន្ន អ្នកក្លាហានទាំងពីរនាក់បងប្អូន ត្រូវបានសមត្ថកិច្ច ជំនាញបញ្ជូនទៅសាលាដំបូងរួចហើយ នៅរសៀលថ្ងៃទី៥ ខែវិច្ឆិកា ឆ្នាំ២០២១។ ចំណែកបក្ខពួកដែលគេចខ្លួនបាត់ សមត្ថកិច្ចកំពុងបន្តស្រាវជ្រាវ ដើម្បីចាប់ខ្លួនបញ្ជូនទៅសាលាដំបូង៕