ព្រះវិហារ ៖ រថយន្តយីឌុបដឹកឈើដោយខុសច្បាប់ ១គ្រឿង ដឹកឈើអាប្រភេទលេខ២បង្កប់ឈើតាប់ ដឹកចេញពីតំបន់ក្បាលដំរី ស្ថិតក្នុងស្រម៉ោច ឃុំមរតក ស្រុកជាំក្សាន្ត ខេត្តព្រះវិហារ កាលពីវេលាម៉ោង១០ព្រឹក ថ្ងៃទី៣ខែវិច្ឆិការ ឆ្នាំ២០២១ ត្រូវបានលោកទីសុវណ្ណថាល់ព្រះរាជអាជ្ញាតុលាការខេត្តព្រះវិហ៊ារបញ្ជាឲ្យសមត្តកិច្ចបង្ក្រាប ។
រថយន្តដឹកឈើខាងលើ ម៉ាកហ៊ីយ៉ាន់ដាយ ពាក់ផ្លាកលេខ កំពង់ចាម 3A4441 ដឹកឈើពេញត្រូវបាននាំយក មករក្សាទុកនៅផ្នែករដ្ឋបាលព្រៃឈើជាំក្សាន្ត ដើម្បីចាត់ការបន្តទៅតាមច្បាប់ ។
គេមិនដឹងថាតើហេតុអីបានជាព្រះរាជអាជ្ញាចេញមុខមកបង្ក្រាបបទល្មើសព្រៃឈើដោយចិត្តឯង ឬមានគេប្តឹងនោះទេ តែបើយោងតាមប្រភពពត័មានខ្លះនិយាយ ថា រថយន្តដឹកឈើខាងលើ បានយកឈ្មោះ លោក វុធ សាវី ព្រះរាជអាជ្ញារងអមសាលាដំបូងខេត្តព្រះវិហារ មក
កាង ដើម្បីរួចខ្លួន ។ តែលោក វុធ សាវី ប្រកែក។
មហាជនតែងតែមានចម្ងល់ថា រថយន្តយីឌុបដឹកឈើដោយខុសច្បាប់ ចេញពីស្រុកជាំក្សាន្ត ហេតុអីសមត្ថកិច្ចជំនាញ រួមទាំងសមត្ថកិច្ចផ្សេងៗទៀតរាប់សិបស្ថាបន័មិនដែលបង្ក្រាបបានម្តងណាសោះឬមួយមានអ្វីលាក់បាំងនៅពីក្រោយការដឹកជញ្ជូនឈើដោយខុសច្បាប់នេះ ។
លោក នួន សុខុម នាយខណ្ឌ័រដ្ឋបាលព្រៃឈើព្រះវិហារ មិនអាចសុំការអធិប្បាយបានឡើយករណីព្រះរាជអាជ្ញាបញ្ជាឲ្យចាប់ឈើនៅល្ងាច
ថ្ងៃនេះបានទេ ៕
