ថ្ងៃអង្គារ ១២រោច ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០២ ខែវិច្ឆិកា ឆ្នាំ២០២១ ឯកឧត្តម សុខ លូ សមាជិកគណៈកម្មាធិការកណ្តាលគណបក្ស និងប្រធានគណៈកម្មាធិការគណបក្សប្រជាជនកម្ពុជាខេត្តបាត់ដំបង បានអញ្ជើញដឹកនាំកិច្ចប្រជុំ គណៈអចិន្ដ្រៃយ៍ នៃគណៈកម្មាធិការគណបក្សខេត្តបាត់ដំបង ស្ដីពីការពិនិត្យ ឆ្លង ក្នុងការស្នើកំណត់យកជម្រើសទី១ និងជម្រើសទី២ លើបេក្ខជនគណបក្ស សម្រាប់ឈរឈ្មោះបោះឆ្នោត ជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ សាលប្រជុំនៃទីស្នាក់ការគណបក្សប្រជាជនកម្ពុជាខេត្តបាត់ដំបង ។
នៅក្នុងកិច្ចប្រជុំនេះដែរ ក៏មានការអញ្ជើញចូលរួមពី ឯកឧត្តម លោកជំទាវ សមាជិកអចិន្ត្រៃយ៍ នៃគណៈកម្មាធិការគណបក្សខេត្ត លោក លោកស្រី ជាប្រធាន អនុប្រធានគណៈកម្មាធិការគណបក្ស ក្រុង ស្រុក និងសមាជិក សមាជិកា ពាក់ព័ន្ធមួយចំនួនទៀត។