កំពត ៖ មនុស្សក្មេងចាស់ប្រុសស្រី ៧ នាក់ បានស្លាប់ក្នុងរថយន្ត មួយគ្រឿងបន្ទាប់បាន បែកកង់ ពេលកំពុងបើកបរ រួចក្រឡាប់ចូលក្នុងស្នាមភ្លោះ ដែលមានទឹកត្រឹមករសៀល ថ្ងៃទី២ ខែវិច្ឆិកា ឆ្នាំ២០២១ស្ថិតក្នុងទឹកដីភូមិល្អាង ឃុំល្អាង ស្រុកដងទង់ ខេត្តកំពត ។
បើយោងតាមសេចក្តីរាយការណ៍របស់អ្នកឃើញហេតុការណ៍ បានឱ្យដឹងថា រថយន្តរបស់ ជនរងគ្រោះ បានធ្វើដំណើរ ក្នុងល្បឿន យ៉ាងលឿន ហើយបានបែកកង់រថយន្ត ក្រឡាប់ចូល ក្នុងប្រឡាយទឹក បណ្តាលឱ្យមនុស្ស នៅក្នុងរថយន្ត ទាំង ៧ នាក់(ប្រុស៤នាក់)ឈ្លក់ទឹក (ព្រោះបើកទ្វារចេញមិនរួច)ស្លាប់ទាំងអស់តែម្តង។
ឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាល ខេត្តកំពត បានមានប្រសាសន៍ ប្រាប់កាសែតថាៈ ជនរងគ្រោះ ទាំង ៧ នាក់ ជាអ្នកស្រុក នៅជុំគីរី(ក្នុងចំណោមនោះ ប្រាំនាក់ មានទីលំនៅ ក្នុងភូមិត្រពាំងវែង ឃុំត្រពាំងរាំង ស្រុកជុំគិរី ខេត្តកំពត ដោយបួននាក់ ស្ថិតក្នុងគ្រួសាតែមួយ និងម្នាក់ ជាអ្នកជិតខាង)។ បានធ្វើដំណើរពីជុំគីរី ទៅកំពត នៅពេលធ្វើដំណើរ ដល់គីឡូម៉ែត ៩៤ , ៩៥ នៅឃុំល្អាង ស្រុកដង់ទង បានបែកកង់ ក៏ក្រឡាប់ទៅក្នុងកាងថ្នល់ និងមានទឹកជ្រៅ បានបណ្តាលឲ្យពួកគាត់ឈ្លក់ទឹកស្លាប់ តែម្ដង៕
