ខេត្តក្រចេះ ៖ មន្ត្រីប៉េអឹម២នាក់(ម្នាក់មេនិងម្នាក់ទៀតរង)ត្រូវបានកងរាជអាវុធហត្ថខេត្តក្រចេះ បានបញ្ជូនខ្លួនទៅកាន់សាលាដំបូងខេត្តក្រចេះ នៅវេលាម៉ោង១០ព្រឹកថ្ងៃចន្ទទី១វិច្ឆិកានេះពីបទប្រើព្រួតគ្នាប្រើហឹង្សាលើឈ្នួលបំរើស្រីដែលជាអនីតិជនព្រោះតែខឹងធ្វើឲ្យកូនឆ្កែខ្លួនងាប់។
ជនសង្ស័យទី១ មានឈ្មោះ ទេព ហ៊ុយ មានតួនាទីជាមេបញ្ជាការមូលដ្ឋានកងរាជអាវុធហត្ថក្រុងក្រចេះ ត្រូវបានឃាត់ខ្លួន កាលពីថ្ងៃទី៣០ ខែតុលា ឆ្នាំ២០២១ និងជនសង្ស័យទី២ មានឈ្មោះ គឹម សុវណ្ណារឹទ្ធ តួនាទីជា មេបញ្ជាការរងមូលដ្ឋានកងរាជអាវុធហត្ថក្រុងក្រចេះ ត្រូវបានឃាត់ខ្លួន កាលពីថ្ងៃទី៣១ ខែតុលា ឆ្នាំ២០២១។
សម្រាប់ក្មេងស្រីកូនឈ្នួលទាំង២នាក់ស្ថិតនៅក្រុងក្រចេះដែលរងទារុណកម្មកាលពីថ្ងៃទី២៧ ខែតុលា ឆ្នាំ២០២១ វេលាម៉ោងប្រមាណជា១០យប់ រហូតចូលដេកពេទ្យត្រូវបានមេធាវីសម្តេចតេជោចេញមុខជួយការពារក្តីត្រូវបានសមត្តកិច្ចនាំមកធ្វើត្រាប់ឡើងវិញនូវសកម្មភាពដែលមេប៉េអឹក្រុងក្រចេះនិងជាថៅកែហាងលកទូរសព្ទ័ធំជាងគេនៅក្រុងក្រចេះបង្កមកលើ។
ករណីនេះ មានអ្នកខ្លះរិះគន់កុមារីទាំងពីរថាចិត្តឃោរឃៅហ៊ានសម្លាប់ឆ្កែ។តែបើពិនិត្យស្ថានទម្ងន់ទោសវិញមន្ត្រីប៉េអឹមដែលមានតួនាទីជាមន្ត្រីគ្រប់គ្រងកម្លាំងប្រដាប់អាវុគឺមានសភាពធ្ងន់ជាងឆ្ងាយណាស់។ព្រោះបើខ្លួនមានចារឹកឃោរឃៅចឹងជាមួយអនីតិជនតើជាមួយមនុស្សសាមញ្ញ័ជាប្រជាពលរដ្ឋវិញយ៉ាងណាទៅ?។ចារឹកចឹងធ្វើជាមន្ត្រីអនុវត្តន៍ច្បាប់មិនបានឡើយ!៕
