ខេត្តត្បូងឃ្មុំ ៖ ប្រធានស្នាក់ការច្រកដូនរ័ត្ន លោក ស្រ៊ុន ណាតនិងលោក នូ និច នាយប៉ុស្តិ៍នគរបាលច្រកដូនរ័ត្នមានសេចក្តីរាយការណ៍ថាប្រើអំណាចគៀបយកលុយពីក្រុមឈ្នួញតាមអំពើចិត្ត !
ប្រភពពីមន្ត្រីមូលដ្ឋានជិតស្នាក់ការច្រកដូនរ័ត្ន បានឲ្យដឹងថា ការដែលលោក ស្រ៊ុន ណាត ហ៊ានធ្វើអ្វីៗតាមអំពើចិត្តគឺដោយសារអាងមានខ្នងបង្អែករឹងមាំនៅសាលាខេត្តត្បូងឃ្មុំ។ លោក ស្រ៊ុន ណាត បើកបារ៉ាស់ ឲ្យឈ្មួញដឹកជញ្ជូនជ័រកៅស៊ូស្អុយនិងទំនិញផ្សេងៗចេញទៅស្រុកយួនយ៉ាងរលូន ហើយឈ្មួញមួយចំនួននាំចូលទំនិញច្រើនប្រភេទតាមច្រកដូនរ័ត្ន យ៉ាងពេញបន្ទុកផងដែត។ អំពើរកលុយរបស់លោក ស្រ៊ុន ណាត ប្រធានស្នាក់ការច្រកដូនរ័ត្ន អាចប្រព្រឹត្តទៅដោយរលូនគឺដោយសារមានការរួមដៃពីសំណាក់លោក នូ និច នាយប៉ុស្តិ៍នគរបាលច្រកដូនរ័ត្ន ផងដែរ។
ប្រភពបានឲ្យដឹងទៀតថា ឈ្មួញនាំចេញជ័រកៅស៊ូស្អុយ អុស ធ្យូង ទៅស្រុកយួនតាមច្រកដូនរ័ត្ន គឺជាប្រភពចំណូលដ៏សំខាន់របស់លោក ស្រ៊ុន ណាត ប្រធានស្នាក់ការច្រកដូនរ័ត្ន ។ លោក ជាម ច័ន្ទសោភ័ណ អភិបាលខេត្តត្បូងឃ្មុំ មិនទាន់ឃើញចាត់វិធានការទប់ស្កាត់អំពើពុករលួយរបស់លោក ស្រ៊ុន ណាត ប្រធានស្នាក់ការច្រកដូនរ័ត្ន នៅឡើយទេដែលធ្វើឲ្យលោក ស្រ៊ុន ណាត ធ្វើអ្វីៗស្រេចតែអំពើចិត្តរបស់ខ្លួន។
