អាមេរិក ៖ កាលពីថ្ងៃទី២៩ តុលា មហាសេដ្ឋីរុស្ស៊ីលោកអូឡេទីនកូវ(OlegTinkov)អាយុ៥៣ឆ្នាំត្រូវបានក្រសួងយុត្តិធម៌អាមេរិកអាមេរិកបង្គាប់ឱ្យបង់ប្រាក់ជិត៥០៩លានដុល្លារទាក់ទងនិងការចោទថាលោកបានគេចពន្ធអស់រយៈពេលជាច្រើនឆ្នាំ។ មហាសេដ្ឋីផ្នែកធនាគារ និងវិនិយោគបានបង់ពន្ធនិងពិន័យជាប្រាក់បន្ទាប់ពីបានសារភាពកំហុសកាលពីថ្ងៃទី១ខែតុលាក្នុងការលាក់បាំងទ្រព្យសម្បត្តិជាង១ពាន់លានដុល្លារដើម្បីគេចពីពន្ធនៅពេលលោកបោះបង់ចោលសញ្ជាតិអាមេរិកក្នុងឆ្នាំ២០១៦។
លោកទីនកូវ( Tinkov )គឺជាស្ថាបនិកនៃសេវាកម្មឥណទានTinkoff ដែលក្រោយមកបានក្លាយជាធនាគារតាមអ៊ីនធឺណិតTinkoff ។ លោកអូឡេទីនកូវ(OlegTinkov)ក៏ជាម្ចាស់ក្រុមជិះកង់អាជីព Tinkoff ផងដែរ។ក្រសួងយុត្តិធម៌អាមេរិកបាននិយាយថាលោកTinkovដែលកើតនៅក្នុងប្រទេសរុស្ស៊ីបានក្លាយជាពលរដ្ឋអាមេរិកនៅឆ្នាំ១៩៩៦។ នៅឆ្នាំ២០១៣សេដ្ឋីរុស្ស៊ីរូបនេះលោកបានចុះបញ្ជីឥណទានទីនកូហ្វ(Tinkoff )នៅលើផ្សារហ៊ុនទីក្រុងឡុងដ៍ប្រទេសអង់គ្លេស។ ភាគហ៊ុនដែលលោកគ្រប់គ្រងមានតម្លៃ១.១ពាន់លានដុល្លារ។
៣ថ្ងៃបន្ទាប់ពីចេញជាសាធារណៈ លោកបានបោះបង់សញ្ជាតិអាមេរិកនៅស្ថានទូតអាមេរិកប្រចាំប្រទេសរុស្ស៊ី។ ទោះជាយ៉ាងណាក៏ដោយដើម្បីបោះបង់សញ្ជាតិអាមេរិករបស់លោកទីនកូវចាំបាច់ត្រូវប្រកាសទ្រព្យសម្បត្តិរបស់លោក ហើយលោកបាននិយាយថាលោកបានដាក់ឯកសារដែលនិយាយថាលោកមានត្រឹមតែ ៣០០,០០០ដុល្លារប៉ុណ្ណោះ។ក្នុងឆ្នាំ២០១៩ក្រសួងយុត្តិធម៌សហរដ្ឋអាមេរិកបាននិយាយថាលោកជំពាក់ប្រាក់ប្រហែល២៤៩លានដុល្លារ។ ក្នុងការទូទាត់ដែលបានប្រកាសកាលពីម្សិលមិញលោកត្រូវបង្ខំចិត្តបង់ប្រាក់លើសពីទ្វេរដងនៃចំនួនដែលជំពាក់ដោយសារការប្រាក់និងការពិន័យ។
ចាប់តាំងពីឆ្នាំ ២០២០មកក្រសួងយុត្តិធម៌សហរដ្ឋអាមេរិកបានស្វែងរកការធ្វើបត្យាប័នលោកទីនកូវ(Tinkov )ពីចក្រភពអង់គ្លេសសម្រាប់ការចោទប្រកាន់ដែលបានរៀបរាប់ខាងលើ។ លោក Tinkov បានជំទាស់នឹងសំណើនេះដោយនិយាយថា លោកកំពុងទទួលការព្យាបាលជំងឺមហារីកឈាម ដែលធ្វើឲ្យលោកមានភាពស៊ាំនឹងជំងឺដែលជាហេតុធ្វើឲ្យលោកមិនអាចដើរបាន។យោងតាមស្ថិតិរបស់ទស្សនាវដ្ដី Forbes លោក Tinkov បច្ចុប្បន្នមានទ្រព្យសម្បត្តិច្រើនជាង៨ពាន់លានដុល្លារ៕យោងតាមAFP
