បុរសម្នាក់ត្រូវបានសមត្តកិច្ចនគរបាលខេត្តតាកែវនិងខេត្តបាត់ដំបង មានការសម្របសម្រួលនីតិវិធី ពីលោកព្រះរាជអាជ្ញាអមសាលាដំបូងខេត្តតាកែវ បានចុះស្រាវជ្រាវឃាត់ខ្លួននៅចំណុចផ្ទះសំណាក់ភ្នំដិនតារា ស្ថិតនៅភូមិផ្សារ ឃុំភ្នំដិន ស្រុកគិរីវង់ ខេត្តតាកែវកាលពីវេលាម៉ោង២១យប់ថ្ងៃទី៣០តុលា ពាក់ព័ន្ធករណីឆបោក និងរំលោភលើទំនុកចិត្ត(លួចឡាន)។
ជនសង្ស័យមាន ឈ្មោះ ឡាត់ ឡូ ភេទប្រុស អាយុ៤២ឆ្នាំ មានទីលំនៅភូមិខ្នុរ សង្កាត់ខ្នុរ ក្រុងសង្កែ ខេត្តបាត់ដំបង ព្រមទាំងដកហូតបានរថយន្ត០១គ្រឿង ម៉ាក LEXUS RX330 សេរី២០០៤ ពណ៌មាស ពាក់ផ្លាកលេខបាត់ដំបង2B-8568ដែលមានម្ចាស់ឈ្មោះ អុង ប៊ុនធាង ភេទប្រុស អាយុ ៤៣ ឆ្នាំ មានទីលំនៅភូមិ ផ្សារព្រំ សង្កាត់ស្ទឹងកាច់ ស្រុកសាលាក្រៅ ខេត្តប៉ៃលិន ។
ជនសង្ស័យ និងវត្ថុតាងខាងលើ បានប្រគល់ជូនកម្លាំងជំនាញស្នងការដ្ឋាននគរបាលខេត្តបាត់ដំបង ដើម្បីកសាងសំណុំរឿងតាមនីតិវិធីច្បាប់៕
