កំពង់ចាម ៖ មន្ត្រីរាជ ការម្នាក់ មានតួនាទី ជាប្រធានមន្ទីរធនធានទឹក និងឧតុនិយមខេត្តកំពង់ ចាមគឺលោក អ៊ុម វិបុល ដែលជាកូនចៅរបស់ លោក លឹម គានហោ រដ្ឋមន្ត្រីក្រសួងធនធាន ទឹក និងឧតុនិយម ត្រូវ បាន លោក អ៊ុន ចាន់ដា ចៅហ្វាយខេត្តកំពង់ ចាម បានចេញលិខិត ព្រមានជាសាធារណ: ចំពោះ កំហុសឆ្គង នៃ អត្តចរិក មិនប្រក្រតី ដែលបានចូលរួមក្នុង ពិធីប្រកាសតែងតាំង ប្រធានមន្ទីរសាធារ ណការ និង ដឹកជញ្ជូនខេត្តកំពង់ចាម កាលពីថ្ងៃទី ២៨កក្កដា ២០២១ ដោយលោក អ៊ុម វិបុល ក្នុងសភាពស្រវឹងស្រា ចូលទៅអុកឡុកបង្កការ រំខានដល់អង្គពិធី ដែល មានវត្តមានមន្ត្រីជាន់ ខ្ពស់ក្រសួង សាធា រណការ និងដឹកជញ្ជូន ព្រមទាំង រូបលោក(អ៊ុន ចាន់ដា) ជាអធិបតីផងនោះ ។ នៅថ្ងៃនោះ គេ ពុំបានដឹងថា លោកអ៊ុម វិបុល បញ្ចេញអាកប្បកិរិយា និងសំដីវោហារ សាស្ត្រ ស្រវឹងស្រាភ្លេច ភ្លាំងស្មារតីដល់កំរិតណា នោះទេ ទើបធ្វើអោយ លោកចៅហ្វាយខេត្ត គាត់ទ្រាំលែងបាន រហូត ចេញលិខិតព្រមាន ជាផ្លូវការបង្ហាញជាសាធា រណ:បែបនេះ ? ព្រោះ បើផ្អែកតាមលិខិត ប្រ ថាប់ត្រាឈ្មោះ អ៊ុន ចាន់ ដា ចៅហ្វាយខេត្តកំពង់ ចាម ដែលបណ្តាញសង្គម facebook និង Online នានាបានបង្ហោះនោះ គឺ បានព្រមានចំឈ្មោះលោក អ៊ុម វិបុល ប្រធានមន្ទីរធនធានទឹកខេត្តកំពង់ ចាម តែម្តង ហើយលោក សាមុីខ្លួន គឺលោក អ៊ុម វិបុល ក៏បាន ចុះហត្ថលេខាទទួល យក ដោយខ្លួនឯងផងដែរ ដោយគ្រាន់តែ សរសេរថ្ងៃទី ខុសខែ បន្តិច គឺថ្ងៃទី ៣១-១១- ២០២១ ដែលតាមពិតត្រូវសរសេរ ថ្ងៃទី៣១ – ១០-២០២១ បានត្រួវ ។
មហាជន កំពុងមានចម្ងល់ និង ហួសចិត្តផងដែរ ដោយលើកជាមតិថា:លោកលឹម គានហោ មេក្រសួង ធនធានទឹក និង ឧតុនិយម ហាក់គ្មាន ធនធានមនុស្ស មានចំណេះដឹង ជំនាញ និង មានអត្តចរិកល្អ សីលធម៌ រស់នៅល្អ ការធ្វើការងារប្រាស្រ័យ ទាក់ទងល្អ ជាមួយ ថ្នាក់ ដឹកនាំ មន្ត្រីរាជការ និង ប្រជាពលរដ្ឋទូទាំងខេត្ត កំពង់ចាមឬ ? បានជា តែងតាំងមនុស្ស ដែល កាន់តំណែងខ្ពស់ និងមានតួនាទី ជាមេដឹកនាំ មន្ទីរ ជំនាញដ៏ធំមួយក្នុង ខេត្តកំពង់ចាម តែមានអត្តចរិកអន់ មិនថ្លៃ ថ្នូរ ធ្វើអោយជះឥទ្ធិពល អាក្រក់ មិនល្អប៉ះពាល់ ដល់កិត្តិយស ស្ថាប័ន រដ្ឋ បែបនេះ ? ។
មហា ជនក៏បានបញ្ចេញមតិ រិះគន់ចំៗទៅលើចំណាត់ការ របស់លោក អ៊ុន ចាន់ដា ចៅហ្វាយ ខេត្តកំពង់ចាម ផងដែរ ចំពោះការចេញលិខិត ព្រមានលើមន្ត្រីរាជការ សាធារណ: តាមបែបរដ្ឋបាលនេះ គឺ មិនមាន អ្វីខុសឆ្គងទេចំពោះបុគ្គលដែលប្រព្រឹត្តកំហុសខុសឆ្គងផ្នែក សីលធម៌រស់នៅ និង អត្តចរិកនោះ គឺជាប្រការ ល្អ ដើម្បីដាស់តឿន និង កែលំអឡើងវិញ ។ តែ ករណី បញ្ចេញ ឬ បែក ធ្លាយ ឬមានចេតនា បញ្ចេញនូវឯកសារ ដែលមានបោះត្រាឈ្មោះ ចៅហ្វាយខេត្តកំពង់ចាម ចុះ កាល បរិច្ឆេទត្រឹម ជាសាធា រណ:បែបនេះ ក៏មិន មែនជាថ្នាក់ដឹកនាំល្អ ណាស់ណាប៉ុន្មានដែរ ព្រោះបានធ្វើអោយប៉ះ ពាល់ដល់មុខមាត់ កិត្តិយស បុគ្គល ធ្ងន់ធ្ងរ ទទួលនូវភាពអាម៉ាស ពាសពេញផ្ទៃប្រទេស ។
ចំពោះករណី នេះ អង្គភាពយើងខ្ញុំ ពុំអាចសុំការ បំភ្លឺពី ឯ.ឧ អ៊ុន ចាន់ដា ចៅហ្វាយខេត្តកំពង់ ចាមបានទេ នៅរសៀលថ្ងៃទី៣១តុលា ២០២១ នេះ ព្រោះទូរស័ព្ទចូល តែទទួលការឆ្លើយតបមកវិញថា កំពុងជាប់រវល់ៗ…ៗ ។ ចាំមើលៗ តើករណីនេះ អាចជាការ ពាក់មុខយក្ស ដាក់គ្នា រវាងក្រសួងធនធានទឹក និងឧតុនិយម និង អាជ្ញា ធរខេត្តកំពង់ចាមដែរទេ? ៕
