លោកឃួង ស្រេង អភិបាលរាជធានីភ្នំពេញបានមានប្រសាសន៍លើកឡើងថា បើទោះបី ទឹកជំនន់ស្ទឹងព្រែកត្នោតបានស្រកទៅអស់ពិតមែន ប៉ុន្តែក្នុងនាមអាជ្ញាធរដែលជាម៉ែ ជាឪ របស់បងប្អូនប្រជាពលរដ្ឋ នៅតែតាមមើលថែបងប្អូនប្រជាពលរដ្ឋជានិច្ច មានន័យថា លុះត្រាបងប្អូនប្រជាពលរដ្ឋបានសុខស្រួលជាធម្មតាវិញ ទើបយើងអាចលែងដៃបាន ។
នេះជាការគិតគូរមួយ ដោយអនុវត្តទៅតាមអនុសាសន៍ដ៏ខ្ពង់ខ្ពស់របស់សម្ដេចតេជោហ៊ុនសែន ដែលការងារសំខាន់ទី១គឺសង្គ្រោះអាយុជីវតប្រជាពលរដ្ឋ និងមិនទុកឲ្យបងប្អូនប្រជាពលរដ្ឋណាម្នាក់ស្លាប់ដោយការអត់បាយ ដែលយើងមិនដឹងនោះទេ។
ការលើកឡើងរបស់លោកឃួង ស្រេង. អភិបាលរាជធានីភ្នំពេញបែបនេះបានធ្វើឡើងនៅព្រឹកថ្ងៃទី៣០ ខែតុលា ឆ្នាំ២០២១នេះ ក្នុងពិធី ចែកអំណោយជូនប្រជាពលរដ្ឋរងគ្រោះដោយសារជំនន់ទឹកភ្លៀងចំនួន៨៦៩ គ្រួសារ ស្ថិតក្នុងមូលដ្ឋានសង្កាត់សាក់សំពៅ ខណ្ឌដង្កោ រាជធានីភ្នំពេញ៕