ភ្នំពេញ ៖ លោកជំទាវ ហ៊ុន ប៊ុនធឿន រសៀលថ្ងៃទី២៧ ខែតុលា ឆ្នាំ២០២១ត្រូវបានតែងតាំង ជាទីប្រឹក្សាគណៈ:សង្ឃនាយកគណ:មហានិកាយនៃព្រះរាជាណាចក្រកម្ពុជា គោរម្យ៍ងារជា អគ្គមហាឧបាសិកាពុទ្ធសាសនូបត្ថម្ភក៍។
សម្ដេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្ដេចព្រះមហាសង្ឃរាជ គណៈមហានិកាយ នៃព្រះរាជាណាចក្រកម្ពុជា និងសម្ដេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្ដេចព្រះសង្ឃនាយក នៃព្រះរាជាណាចក្រកម្ពុជា បានយាងជាអធិបតីក្នុងពិធីប្រកាសទីប្រឹក្សាគណៈសង្ឃនាយក និងមានការចូលរួមពីសំណាក់ឯកឧត្តមបណ្ឌិត ស៊ាង ប៊ុនលាង ព្រមទាំងលោក-លោកស្រីមន្ត្រីរាជការជាន់ខ្ពស់ជាច្រើនរូបផ្សេងទៀត នៅក្នុងសាលប្រជុំគណ:កម្មការរៀបចំបុណ្យជាតិនៃកម្ពុជា ។
សូមបញ្ជាក់ថាការតែងតាំងគោរមងារឱ្យឡើងទៅជា “អគ្គមហាឧបាសិកាពុទ្ធសាសនូបត្ថម្ភក៍”កន្លងមកមានតែខាងព្រះពុទ្ធសាសនាគណះធម្មយុត្តិកនិកាយរបស់សម្តេចសង្ឃរាជប៊ូគ្រីទេដែលបានធ្វើមុន ៕
