ខេត្តកណ្តាល ៖ ព្រោះតែហ្វេសប៊ុកប្តី ប្រពន្ធ មួយគូបានបញ្ចប់ជីវិតចោលកូនប្រុស ២នាក់ ដ៏កំសត់ នៅថ្ងៃទី២៦ ខែតុលា ឆ្នាំ២០២១ វេលា ម៉ោង ៧៖៣០នាទី នៅចំណុចភូមិកំពង់ទួល ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល ។
ប្រភពពីសមត្តកិច្ចនគរបាលស្រុកកណ្តាលស្ទឹងឲ្យ ដឹងថា ជនរងគ្រោះឈ្មោះ គឹម ពៅ ភេទស្រី អាយុ ៤០ឆ្នាំ មុខរបរមេផ្ទះ (ស្លាប់) មានស្នាមរបួស កាត់ទទឹង ក ជំរៅដល់ឆ្អឹង កងក ប្រវែង ១៤cm x 6cm ដាច់បំពង់ខ្យល់ និងបំពង់ ក ។
ជនសង្ស័យជាប្តីដែលសម្លាប់ប្រពន្ធហើយសម្លាប់ខ្លួនឯងតាមក្រោយឈ្មោះ ពេជ្រ វិចិត្រ ភេទប្រុស អាយុ ៣៩ឆ្នាំ មានទីលំនៅភូមិកំពង់ទួល ឃុំអន្លង់រមៀត ស្រុកកណ្តាលស្ទឹង ខេត្តកណ្ដាល មុខរបរ កម្មកររោងចក្រ (ស្លាប់នៅមន្ទីពេទ្យ) និងរបួស ដាច់បំពង់ខ្យល់ កាត់ទទឹង ក ប្រវែង ០៨cm x ០៣cm ។
មូលហេតុ កន្លងមកជនសង្ស័យធ្លាប់ប្រចណ្ឌ ដោយសារប្រពន្ធលេងឆាតជាមួយប្រុសផ្សេង មកដល់ថ្ងៃកើតហេតុ ជនសង្ស័យដើរនិយាយប្រាប់អ្នកជិតខាង ថា អញលាហើយ មើលកូនអញផង ។ជនរងគ្រោះឈ្មោះ មានកូនប្រុសចំនួន ២នាក់ ឈ្មោះ វិចិត្រ រតនា ភេទប្រុស អាយុ១៤ឆ្នាំ ក្នុងបន្ទក់ និងឈ្មោះ វិចិត្រ រតនៈ ភេទប្រុស អាយុ ៦ឆ្នាំ ។ នៅក្នុងផ្ទះ កូនប្រុសទាំង ២នាក់ អង្គុយកៀនផ្ទះ ដោយកូនប្រុសច្បងឈ្មោះ វិចិត្រ រតនា ឮសូរសម្លេងវ៉ៃគ្នា ក៏ចូលទៅមើលឃើញឪពុកកំពុងយកកាំបិតអារ ក ម្តាយ ក៏រត់ទៅហៅអ្នកជិតខាងអោយមកជួយ ។
ពេលមកដល់ឃើញម្តាយដេកស្លាប់មានស្នាមអារ ក ហើយឪពុកដេកអោបពីលើក៏មានស្នាមអារ ក ដែរ ។ តែនៅមានដង្ហើម អ្នកជិតខាងក៏ទូរស័ព្ទទៅប៉ូលិស និងឡានសង្គ្រោះ មួយសន្ទុះក្រោយមកឡានសង្គ្រោះក៏ដឹកឪពុកទៅមន្ទីពេទ្យបង្អែកស្រុកកណ្តាលស្ទឹង ពេលទៅដល់ន្ទីពេទ្យក៏ដាច់ខ្យល់ស្លាប់តែម្តង ។
