ភ្នំពេញ ៖ ស្នេហារ៍តារាសម្តែងសាច់ខ្ចី កញ្ញា ហ្វាហា នឹងតារាចម្រៀងវ័យក្មេងនាយចឺមបានបែកបាក់ហើយបង្កឲ្យមានការចាប់អារម្មណ៍ពីអ្នកលេងបណ្តាញសង្គម។ តែសម្រាប់តារាចម្រៀងដែលចេញពីអ្នកកំប្លែងពេលបែកបាក់ស្នេហ៍ភ្លាម នាយចឺមបានទៅស្និទ្ធស្នាលនឹងតារាសម្តែងម្នាក់ទៀតភ្លែតឈ្មោះ សេង សុខឃីម ហៅ គីម គីម ភ្លាម ដែលពេលនេះគេដឹងហើយថា សង្សារថ្មីនាយចឺមគឺជាអ្នកមេម៉ាយកូនមួយសោះ។
អ្នកនាងសេង សុខឃីម ហៅ គីម គីម តារាស្រីមេម៉ាយកូន១រូបនេះបានបង្ហាញមុខក្នុងការងារសិល្បៈ និងផ្សព្វផ្សាយផលិតផលថែសម្រស់មួយចំនួន រហូតនាងលេចមុខក្នុងការសម្តែងក្នុងMVបទចម្រៀងថ្មីរបស់តារាចម្រៀងនាយចឺមរហូតទាក់យកបេះដូងនាយចឺមបាន។នាយចឺមបានបង្ហាញពីចំណងស្នេហ៍ដោយបើកចំហដោយការភ្ជាប់Relationship នៅលើបណ្តាញសង្គមរហូតធ្វើឲ្យមានការភ្ញាក់ផ្អើល ខណៈដែលអតីតគូស្នេហ៍កញ្ញា ហ្វាហ្វា ក៏បានបញ្ចេញរូបភាពសិចស៊ីថ្មីជាច្រើនសន្លឹកធ្វើប្រុសៗគ្រឺតខ្នាញ់ជាហូរហែហាក់មិនខ្វល់ពីរឿងស្នេហាប្រេះស្រាំនោះ ទោះជាយ៉ាងណាគេនៅមិនទាន់មានការបញ្ជាក់អំពីមូលហេតុនៅពីក្រោយនៃការបែកបាក់ចំណងស្នេហារបស់សិល្បករមួយគូនេះនៅឡើយ។
តាមការកត់សម្គាល់ ចំណងស្នេហារវាងតារាចម្រៀងនាយ ចឺម នឹងតារាសម្តែងហ្វាហ្វា ត្រូវបានទម្លាយឡើងរយៈពេល៣ឆ្នាំចុងក្រោយនេះ ក្រោយពីពួកគេបានស្វែងយល់ចិត្តគ្នាក្រោមការដឹងឮពីចាស់ទុំទាំងសងខាង ហើយកន្លងទៅអ្នកទាំងពីរក៏បានចូលរួមសម្តែងក្នុងបទចម្រៀងរួមគ្នាជាច្រើនហូរហែផងដែរ។
ប៉ុន្តែកាលពីរដូវកាលភ្ជុំបិណ្ឌនេះតារាចម្រៀងរូបនេះបែរជាបង្ហាញមុខដៃគូសម្តែងថ្មីគឺអ្នកនាង សេង សុខឃីម ក្នុងបទចម្រៀងថ្មីរបស់ខ្លួនគឺបទ”ថ្លៃទឹកដោះ” ទៅវិញ។
អ្នកក្នុងនិងក្រៅចង្កោមសិល្បៈបានកោតសរសើរពីវាសនាខ្ពស់របស់នាយចឺមដែលអាចរកបានសង្សារស្រស់សោភា សាច់ខ្ចីគួរឲ្យស្រលាញ់ ហើយបើទោះបីជាសង្សារថ្មីនេះជាអ្នកមេម៉ាយមែន ប៉ុន្តែនាងមានរូបសម្រស់ស្រស់សោភា ក្រមុំសុំខ្មាសផងដែរ។
អ្នកនាង សេង សុខឃីម ក៏បានទាំងបញ្ចេញអត្តសញ្ញាណខ្លួនឯងច្បាស់ជាងមុនជាមួយនឹងការទទួលស្គាល់ថានាងជាមេម៉ាយកូនមួយ ហើយកូនប្រុសរបស់នាងពិតជាស្រស់សង្ហាគួរឲ្យខ្នាញ់ខ្លាំងណាស់៕