បន្ទាយមានជ័យ៖ គ្រឿងញៀនប្រមាណ២៥គីឡូក្រាមត្រូវបានសមត្តកិច្ចខេត្តបន្ទាយមានជ័យដកហូតបានពីជនសង្ស័យចំនួន៣នាក់នាក់(ក្នុងនោះមាន ស្រី១នាក់)។
នគរបាលជំនាញបានប្រាប់អ្នកយកព័ត៌មានថា អនុវត្តតាមបទបញ្ជារបស់លោក ឧត្តមសេនីយ៍ទោ សិទ្ធិ ឡោះ ស្នងការ ដ្ឋាននគរបាលខេត្តបន្ទាយមានជ័យ នគរបាលជំនាញបានសហការ ជាមួយកម្លាំង នគរបាលក្រុងប៉ោយប៉ែតធ្វើការការស្រាវជ្រាវឈានទៅដល់ធ្វើការបង្ក្រាបបាននាក់លក់គ្រឿងញៀនទ្រង់ទ្រាយធំជាជនជាតិថៃ១នាក់ ឈ្មោះ SUCHAT WANSUWONG ភេទប្រុស ជនជាតិថៃ លិខិតឆ្លងដែនគ្មាន នៅចំណុចក្រោមដើមស្វាយ ប្រហែល១០ម៉ែត្រពីផ្លូវជាតិស្ថិតក្នុងភូមិរស្មីសាមគ្គី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
កម្លាំងសមត្ថកិច្ចបាន ដកហូតបានវត្ថុតាងថ្នាំញៀនប្រភេទមេតំហ្វេតាមីន ចំនួន២៥ដុំ ស្មើទម្ងន់ ២៤គ.ក្រ ៨៨៨.១៥ក្រាម នៅវេលាម៉ោង១១និង៣០នាទីព្រឹក ថ្ងៃទី២២ខែតុលា ឆ្នាំ២០២១ ។បន្ទាប់ពីបង្ក្រាបជនជាតិថៃនោះរួច កម្លាំងនគរបាលការិយាល័យជំនាញ សហការជាមួយកម្លាំងមន្ទីរប្រឆាំងគ្រឿងញៀន(ក.០១) និងកម្លាំងនគរបាលការិយាល័យជំនាញនៃស្នងការដ្ឋាននគរបាលខេត្តសៀមរាប ដឹកនាំលោកឧត្តមសេនីយ៍ត្រី អ៊ួង អមរ៉ា ស្នងការរង ទទួលផែនការងារប្រឆាំងគ្រឿងញៀន នៅវេលាម៉ោង២និង៣៥នាទីរសៀល ថ្ងៃទី២៣ ខែតុលាឆ្នាំ ២០១ បានចាប់ខ្លួនមេក្លោងជួញដូរគ្រឿងញៀននៅចំណុចមុខផ្ទះគ្មានលេខ បុរី អចលនទ្រព្យអង្គរ ស្ថិតក្នុងភូមិគោកធ្នោត ឃុំកណ្តែក ស្រុកប្រាសាទបាគង់ ខេត្តសៀមរាប ឈ្មោះ លាង ម៉ាប់ ហៅទូច ភេទប្រុស អាយុ៤៥ឆ្នាំ ជនជាតិខ្មែរ និងប្រពន្ធឈ្មោះ ឡុង សុឡេង ភេទស្រី អាយុ ៣៥ឆ្នាំ ជនជាតិខ្មែរ។
សរុបសមត្ថកិច្ចដកហូតបានវត្ថុតាង -ថ្នាំញៀនមេតំហ្វេតាមីន(ICE)ចំនួន ២កញ្ចប់តូច -ថ្នាំគ្រប់ពណ៌ក្រហម WY ចំនួន ៤កញ្ចប់ -កូនជញ្ជីងថ្លឹងថ្នាំចំនួន១ នឹងថង់សម្រាប់ច្រកមួយចំនួន គ-ចាប់យកសម្ភារៈរួមមាន៖1) រថយន្តចំនួន ១គ្រឿង ស្លាកលេខ 2AX-7997 -ទូរស័ព្ទដៃចំនួន ៦គ្រឿង -ប្រាក់ថៃចំនួន ២៦,៣៥០បាត -ប្រាក់ខ្មែរ៧,៨០០,០០០រៀល -ប្រាក់អាមេរិក ចំនួន ៨៨៥ ដុល្លារ -លោហធាតុពណ៌លឿងទុំ(កងដៃ១,ស្នៀតសក់១,បន្តោងខ្សែករ២,ខ្សែករ៣ខ្សែរ)-ប័ណ្ណសម្គាល់រថយន្តចំនួន០៣សន្លឹក(2AX-7997 ;2B-7778; 2M7875) -កាតគ្រីម៉ូតូចំនួន០១ -កូនសោ ១ចង្កោម ។
បន្ទាប់មកនៅវេលាម៉ោង១០និង៤៥នាទីយប់ថ្ងៃ ទី២៣ ខែតុលាឆ្នាំ២០២១ សមត្ថកិច្ចបានបន្តឆែកឆេរ នៅផ្ទះឈ្មោះ លាង ម៉ាប់ ហៅទូចមួយកន្លែងស្ថិតនៅក្នុងភូមិបាលិលេយ្យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ដកហូតមាន១-ទូដែកចំនួនពីរ(មិនទាន់បើក)២ប្រាក់ខ្មែរចំនួន១៥៥,០០០រៀល, ៣ប្រាក់ថៃចំនួន២០,០០០បាត , ៤ សៀវភៅកំណត់ហេតុចំនួន ៥ក្បាល ,៥)-អាជ្ញាប័ណ្ណសម្គាល់ភ្នាក់ងារវីងចំនួន ១សន្លឹក។
ជនសង្ស័យទាំង៣នាក់នេះក្រោយពីធ្វើកំណត់ហេតុហើយនិងបញ្ជូនទៅតុលានៅល្ងាច ថ្ងៃទី២៦ ខែតុលា ឆ្នាំ ២០២១ដើម្បីដាក់ទោសទៅតាមច្បាប់ ។ សំណាងហើយបង្ក្រាបបានមុនបើមិនបានតើវាសនាយុវជនខ្មែរវាយ៉ាងម៉េចទៅវិញ?។ មាការកត់សម្គាល់ថាសន្ទុះនៃការប្រើប្រាសនិងជួញដូរគ្រឿងញៀននៅក្នុងប្រទេសកម្ពុជាមាននិន្នាការកើនឡើងពីមួយខែទៅមួយខែដោយមិនបានធូស្រាលនោះទេ?៕
