ភ្នំពេញ៖ ឪពុករបស់តារាស្រីពហុជំនាញសិល្បៈកញ្ញា ព្រះកាយច័ន្ទ បានចែកឋានដោយបន្សល់នូវក្ដីស្រណោះស្រណោកយ៉ាងខ្លាំងពីសាច់ញាតិ មិត្តរូបសិស្បៈ រួមទាំងសិស្សរបស់លោកផងដែរ។
សាររបស់ជាតារាសម្តែង ជាគ្រូបង្រៀន និងជាម្ចាស់សាលាឯកជនបង្ហាត់របាំឈ្មោះ «ព្រះកាយច័ន្ទ ក្លឹប» ដែលមានទទួលបង្រៀនសិល្បៈ របាំបុរាណ K-Pop សម្តែង ដើរម៉ូដ ច្រៀង និងពិធីករ/ពិធីការិនី (MC) កញ្ញា ព្រះកាយ ច័ន្ទ នាព្រឹកថ្ងៃទី២៦ ខែតុលា ឆ្នាំ២០២១ នេះសរសេរថា៖ «លោកឪពុកជាទីស្រឡាញ់របស់កូនអើយ! លោកពុកទៅចោលកូនហើយ ចាប់ពីថ្ងៃនេះ ទៅកូនលែងបានឃើញមុខប៉ាទៀតហើយ សូមប៉ាទៅឱ្យបានសុខទៅកាន់សុគតិភព កុំបារម្ភគិតពីកូនៗ និងម៉ែអី កូនអាចមើលថែគ្រួសារយើងបានណាប៉ា សូមប៉ាទៅបានសុខ!»។
ក្រោយពីបង្ហោះសារនោះ តាមបណ្តាញសង្គមរួចហើយ គេឃើញមិត្តរួមសិល្បៈពីគ្រប់មជ្ឈដ្ឋាន បានចូលទៅសរសេរសារ ដែលសឹងតែមានពាក្យពេចន៍ដូចគ្នាថា៖ «សូមចូលរួមរំលែកទុក្ខដ៏ក្រៀមក្រំនេះ និងក្រុមគ្រួសារផង!»។
គួរបញ្ជាក់ដែរថា លោកឪពុករបស់តារាសម្តែង ចម្រៀង និងគ្រូបង្រៀនរបាំបុរាណ-សម័យ ដែលក្តោបទីផ្សារកុនបានសុទ្ធតែតួឯកក្នុងការថតកុនភាគរបស់ផលិតកម្មប៉ុស្តិ៍លេខ ៥ កញ្ញា ព្រះកាយ ច័ន្ទ មានឈ្មោះ ច័ន្ទ តារា ដោយលោកអតីតជាសិល្បករជើងចាស់ ផ្នែកលោ្ខនបាសាក់មួយរូបផងដែរ។
លោក ច័ន្ទ តារា ត្រូវបានយុវជនជាច្រើនហៅថាលោកគ្រូតា ដែលបានបង្ហាត់បង្ហាញពួកគេ។លោកគឺជាអ្នកជ្រោមជ្រែងកូនស្រី តារាសម្តែង តារាចម្រៀង និងជាគ្រូបង្រៀនរបាំបុរាណសម័យ ឱ្យបានក្តោបទីផ្សារថតកុនសុទ្ធតែតួឯករហូតក្លាយជាតារាម៉ូយ ប្រចាំផលិតកម្មប៉ុស្តិ៍លេខ ៥ កញ្ញា ព្រះកាយ ច័ន្ទច័ន្ទ ប្រកាសបើកសាលាបង្រៀនជំនាញសិល្បៈចម្រុះ សម្រេចក្តីបំណងកាលពីក្មេង ដែលមានថ្នាក់របាំបុរាណ (ចាប់ពីវ័យ ៤ ឆ្នាំឡើងទៅ) សម្តែង ដើរម៉ូដ រាំសម័យ និងប្រពៃណី មានឈ្មោះថា «សាលាព្រះកាយ ច័ន្ទក្លិប» តាំងពីឆ្នាំ ២០១៩៕
