បន្ទាយមានជ័យ៖ កម្លាំងការិយាល័យគឿងញៀនខេត្ត សហការជាមួយកម្លាំងមូលដ្ឋាន កងរាជអាវុធហត្ថស្រុកស្វាយចេកចំនួន៧នាក់ ដឹកនាំដោយលោវរៈសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យ ទទួលលើការងាបទល្មើសគឿងញៀន បានចុះប្រតិបត្ដិការបង្ក្រាបករណីជួញដូរគឿងញៀនខុសច្បាប់១កន្លែង នៅចំណុចភូមិអូរបីជាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។
កម្លាំងសមត្ថកិច្ចបាន ធ្វើការឃាត់ខ្លួនជនសង្ស័យបាន០១នាក់ និងដកហូតវត្ថុតាងគឿងញៀន ប្រភេទម៉ាទឹកកកចំនួន១ថង់ធំស្មើនិង៥,៤ក្រាម និងទូរស័ព្ទដៃចំនួន២គឿង រថយន្តមួយ គឿងម៉ាកកាមេរីឆ្លាម ពណ៌ប្រផេះប័ណ្ណសម្គាល់យានយន្តចំនួន១សន្លឹក នៅវេលាម៉ោង៣ល្ងាច ថ្ងៃទី២៧ ខែសីហា ឆ្នាំ២០១៦ ក្រោយពីឃាត់ខ្លួនបានហើយអាវុធហត្ថធើ្វការសាកសួរភ្លាមៗ ពេលនោះ ជនសង្ស័យក៏បានឆ្លើយសារភាពថាថ្នាំញៀននេះ ទិញពីជនសង្ស័យម្នាក់ទៀតនៅក្រុងប៉ោយប៉ែត បន្តមកកម្លាំងអាវុធហត្ថ ចុះទៅដល់ក្រុងប៉ោយប៉ែត សហការជាមួយកម្លាំងអាវុធហត្ថស្នាក់ការ សន្តិសុខ៥៦៨ នៃបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត ឃាត់ខ្លួន ជនសង្ស័យ បានម្នាក់ទៀត នៅចំណុចស្តង់តាងួន សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ព្រមទាំងដកហូតម៉ូតូចំនួន១គឿងម៉ាកហុងដាឌ្រីមC125សេរី2016 គ្មានស្លាកលេខ និងទូរស័ព្ទដៃចំនួន ២ គឿង។
ក្រោយពីឃាត់ខ្លួនជនសង្ស័យទាំង២នាក់នេះត្រូវបានអាវុធហត្ថយកមកបញ្ជាការដ្ឋានកងរាជអាវុធហត្ថខេត្ត ដីេម្បីធ្វីេការសាកសួរ។ លោកវរៈសេនីយ៍ឯក ស ប៊ុនសឿង បានបញ្ជាក់ទៀតថា ជនសង្ស័យទាំង២នាក់នេះ ១/ឈ្មោះឈិត ចាន់ថន ភេទប្រុស អាយុ២៧ឆ្នាំ ជាកម្មករ រស់នៅក្នុងភូមិបន្ទាយរិទ្ធ ឃុំគោករមៀត ស្រុកថ្មពួក ខេត្តបន្ទាយមានជ័យ ២/ឈ្មោះញិប ឈឿប ភេទប្រុស អាយុ៣១ឆ្នាំ ជាកម្មកររស់នៅបណ្តោះអាសន្នផ្ទះសំណាក់រ៉ូហ្សា ភូមិបាលិលេយ្យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ លោកវរៈសេនីយ៍ឯក បានបញ្ជាក់ទៀតថា មុនឈានដល់ការចាប់ខ្លួនជនសង្ស័យទាំង២នាក់នេះ គឺបានទទួលព័ត៌មានពី ប្រជាពលរដ្ឋជាច្រើន ដងមកហើយថា ក្រុមយុវជននេះយកគឿងញៀនមកលក់ចែកចាយជាញឹកញាប់ ។
នៅចំពោះមុខអាវុធហត្ថខេត្ត ជនសង្ស័យទាំង ២ នាក់បានឆ្លើយសារភាពថា ពួកគេទាំង ២ នាក់ពិតជាបានជួញដូរគឿងញៀននៅចំណុចកើតហេតុពិតប្រាកដមែន។ បច្ចុប្បន្ន ជនសង្ស័យទាំង២នាក់ត្រូវបានកម្លាំងជំនាញកសាងសំណុំរឿងបញ្ជូនទៅតុលាការ ដើម្បីដាក់ទោសទៅតាមផ្លូវច្បាប់ ៕
