កំពង់ស្ពឺ ៖ ចុងបញ្ចប់ស្ត្រី២នាក់ដែលធ្លាប់ត្រូវបានសមត្ថកិច្ចមន្ទីរគ្រឿងញៀនការិយាយ័យក៤ដឹកនាំដោយឧត្តមសេនីយ៍ទោឃិនសារ៉ាតនាយករងមន្ទីរប្រឆាំងគ្រឿងញៀននាំកូនចៅធើស៊ីចំនួន៣ដងតាំងពីថ្ងៃទី៦កក្កដា២០២១កន្លងមកដោយគោះបានលុយជាង៧ម៉ឺនដុល្លារអាមេរិករហូតដឹងចិត្តថ្លើមគ្នាត្រូវបានសមត្តកិច្ចចំរុះឃាត់ខ្លួនក្រោមបទចោទថាបានរក្សាទុកចែកចាយនិងជួញដូរគ្រឿងញៀនដោយខុសច្បាប់ នៅវេលាម៉ោង១១ នឹង១៥នាទីយប់ថ្ងៃទី១២ខែតុលាឆ្នាំ២០២១ក្នុងភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
បើតាមអ្នកជិតខាងនិយាយថាវាករណីបង្ក្រាបគឺលើកទី៤នេះសេចក្តីរាយការណ៍របស់ស្នងការដ្ឋាននគរបាលខេត្តកំពង់ស្ពឺរបស់លោកឧត្តមសេនីយ៍សំសាមួននៅថ្ងៃទី១៣ខែតុលាឆ្នាំ២០២១បានឱ្យដឹងថា មានការសម្របសម្រួលពីលោកជំទាវ ចាតសូ រស្មី ព្រះរាជអាជ្ញាអមអយ្យការសាលាដំបូងខេត្ត កម្លាំងផ្នែកប្រឆាំងគ្រឿងញៀននៃស្រុកភ្នំស្រួច កម្លាំងការិយាល័យប្រឆាំងគ្រឿងញៀនខេត្ត នឹងអាជ្ញាធរភូមិឃុំស្រុក បានកិច្ចសហការពីកម្លាំងមន្ទីប្រឆាំងគ្រឿងញៀន (ក៤)ដែលដឹកនាំដោយឧត្តមសេនីយ៍ទោ ឃិន សារ៉ាត់ អនុប្រធាន មន្ទីប្រឆាំងគ្រឿងញៀនបានបើកកិច្ចប្រតិបត្តិការបង្ក្រាបនិងឆែកឆេរផ្ទះរបស់ឈ្មោះ គង់ សំណាង ភេទស្រី អាយុ៤២ឆ្នាំ ជាជនសង្ស័យមួយកន្លែងស្ថិតក្នុងភូមឃុំខាងលើ។ក្រោយពីឆែកឆេរសមត្ថកិច្ចបានរកឃើញម្សៅក្រាមពណ៌សថ្លា ចំនួន១៦កញ្ចប់ធំដែលសង្ស័យថាគ្រឿងញៀននឹងឧបករណ៍សំរាប់វេចខ្ចប់គ្រឿងញៀនមួយចំនួនទៀត។
ក្នុងនោះដែរ សមត្ថកិច្ចបានធ្វេីការដកហូតរថយន្ត FORD មួយគ្រឿងដែលជាមធ្យោបាយជួញដូរនិងឃាត់មុខសញ្ញាសង្ស័យចំនួន២នាក់ដើម្បីយកមកសាកសួរ។ជនសង្ស័យពាក់ព័ន្ធទាំង២នាក់ដែលបានឃាត់ខ្លួនមានឈ្មោះ១-ឈ្មោះ គង់ សំណាង ភេទស្រី អាយុ៤២ឆ្នាំ រស់នៅភូមិទី១ ឃុំត្រែងត្រយឹង ស្រុកភ្នំស្រួច ២-ឈ្មោះ សុខ ស្រីនិត ភេទស្រី អាយុ៣៥ឆ្នាំ រស់នៅភូមិទី១ ឃុំត្រែងត្រយឹង ស្រុកភ្នំស្រួច ។ចំណែករថយន្តដែលបានដកហូតយកជារថយន្ត ម៉ាកFORD EVEREST ស៊េរីឆ្នាំ២០២១ ពណ៌ស ពាក់ស្លាកលេខភ្នំពេញ ២BP-៦៩៧៩នឹងបានបិតខ្ទប់ផ្ទះខាងលើបណ្ដោះអាសន្ន ។
គេមិនដឹងថាតើសកម្មភាពចូកស្មៅក្រោមជើងស្នងការនគរបាលខេត្តកំពង់ស្ពឺ៣ករណីកន្លងមកនៅទីតាំងដដែលបង្កឡើងដោយឧត្តមសេនីទោឃិនសារ៉ាតកូនប្រុសនិងប្អូនប្រុសលោកឧត្តមសេនីឯកឡឹកវណ្ណៈជាមេមន្ទីរគ្រឿងញៀនមានចំណែកដែរឬអត់នោះទេ?។មានការកត់សម្គាល់ថាបើតាមរបាយការណ៍ក្រសួងមហាផ្ទៃបទល្មើសគ្រឿងញៀនក្នុងស្រុកខ្មែរក្នុងខែកញ្ញាកើនលើសខែសីហាជាច្រើនករណីយ៍។ក្នុងរយៈពេលពេញមួយខែកញ្ញា ឆ្នាំ២០២១ សមត្ថកិច្ចបានបង្ក្រាបបានបទល្មើសគ្រឿងញៀនសរុបចំនួន៥៣៩ករណី និងដកហូតគ្រឿងញៀនជាង ២៦គីឡូក្រាមដែលបើ ធៀបនឹងខែសីហា ឆ្នាំ២០២១ ដែលមានចំនួន ៤៤០ករណី កើនលើស ៩៩ករណី ស្មើនឹង ២២,៥ភាគរយ។
ក្នុងចំណោមបទល្មើសគ្រឿងញៀននោះ មានករណីជួញដូរ រក្សាទុកចំនួន ៤៦៣ករណី ករណីប្រើប្រាស់ ៧៥ករណី ករណីសំយោគ កែច្នៃ១ករណី និងបានឃាត់ខ្លួនជនសង្ស័យសរុបចំនួន១០៣៩នាក់ (ស្រី៧៣នាក់) ធៀបនឹងខែសីហា ឆ្នាំ២០២១ មានចំនួន ៨៦១នាក់ កើនលើស ១៧៨នាក់ ស្មើនឹង២០,៦ភាគរយ ក្នុងនោះជនស្ស័យជួញដូរ រក្សាទុកចំនួន ៨៣២ករណី ជនសង្ស័យប្រើប្រាស់គ្រឿងញៀនចំនួន ២០៥នាក់ ជនសង្ស័យសំយោគ កែច្នៃ២នាក់។ ក្រៅពីនេះ មានជនបរទេសចំនួន ៤១នាក់ ស្ថិតក្នុងចំណោមជនសង្ស័យទាំងនោះ។
បានសេចក្តីថាបទល្មើសគ្រឿងញៀញដែលសម្លាប់សង្គមខ្មែរមិនបានថយចុះនោះទេបើតាមតួលេខដែលសមត្តកិច្ចបង្ក្រាប។ប្រការនេះអាជ្ញាធរប្រឆាំងគ្រឿងញៀនជាន់ខ្ពស់គួរតែពិនិត្យសមត្តកិច្ចខ្លួនឯងផងឬចាំទាល់តែប៉ះខ្សែដូចអតីតប្រធានមន្ទីរគ្រឿងញៀនឧត្តមសេនីយ៍ម៉ឹកដារ៉ាបានបង្ក្រាបយកទៅដាក់គុកហើយដកហូតទ្រព្យសម្បត្តិ?៕