ភ្នំពេញ ៖ ផ្អើលមហាជនអស់សឹងមួយចំហៀងប្រទេស ក្រោយកាលពីថ្ងៃចន្ទ័ទី១៨តុលា តារាកំប្លែង នាងខ្ញុងនិងប្តីលោកកៃដបាន ចូលខ្លួនទៅប្តឹងខ្លួនឯងប្រកាសក្ស័យធន អស់សមត្ថភាព និងទល់ច្រកខ្លាំង មិនអាចរ៉ាប់រង សងបំណុលគេជុំទិស សរុបក្បែរ៦០ម៉ឺនដុល្លារ ដែលក្នុងមួយខែៗ ការប្រាក់ឡើងដល់ ៤ម៉ឺនដុល្លារ។
រឿងនេះ មានមហាជនជាច្រើនមានការអាណិតអាសូរ ហើយខ្លះទៀតក៏បានចូលរួមចំណាយថវិការផ្ទាល់ខ្លួន តិចឬច្រើនតាមសមត្ថភាព ជួយដល់ នាងខ្ញុង ដើម្បីផុតពីការជាប់ពន្ធធនាគា មិនតែប៉ុណ្ណោះ ក៏មានម្ចាស់បំណុលខ្លះបានជួយយោគយល់បន្ធូរបន្ថយការ ថែមទាំងយកតែប្រាក់ដើមតែប៉ុណ្ណោះ។
យ៉ាងណាមិញ បន្ទាប់ពីមានអ្នកអាណិតអាសូរ ក៏មានមហាជនខ្លះសម្ដែងការមិនពេញចិត្តថានេះគ្រាន់តែជាការសម្ដែង ឬជាយុទ្ធសាស្ត្រក្នុងការដោះបំណុលរបស់ខ្លួនតែប៉ុណ្ណោះ។ព្រោះកន្លងមកប្តីប្រពន្ធនាងខ្ញុងធ្លាប់បង្ហាញភាពហ៊ឺហាជីវិតហាសូចំណាយលុយសីគ្រុមប្រមោយដំរីទិញតម្លៃយ៉ាងហោច៨០ដុល្លារអាមេរិកក្នុង១គីឡូក្រាម។
ប្រហែលដោយសារចឹងហើយ បានជា តារាកំប្លែងជើងចាស់ អ្នកនាង គ្រត បានចេញមកប្រតិកម្មទៅលើ អ្នកនាងខ្ញុង បែបនេះថា៖ខ្ញុំអើយសិល្បះជាង៤០សិបឆ្នាំមកហើយ នៅតែមិនពូកែសំដែងដូចខ្ញុងសោះ ហ៊ឺ ខូចសិល្បះគេអស់ហើយអូន ។
ខុសពីនាងខ្ញុងប្រកាសសុំលុយអ្នកនាងខាត់សុខឃីមតារាសម្តែងពហុជំនាញដែលធ្លាប់ចាញ់បោកគេជម្ពាក់គេជិត១លានដុល្លារតែអ្ននាង ខាត់ សុឃីម បានជ្រើសដំណោះស្រាយបំណុល ដោយនាងបានលក់ឡៃឡុងគ្រឿង សម្អាងការចោលក្នុងតម្លៃ២ម៉ឺនដុល្លារ និងលក់ផ្ទះតម្លៃកន្លះលានដុល្លារ ដើម្បីដោះបំណុល៩០ម៉ឺនដុល្លារដោយពុំមានមហាជនណាម្នាក់ចូលលូកដៃជួយឡើយ គឺនាងតស៊ូដោះស្រាយដោយខ្លួនឯង។
សម្រាប់លោក គួច ខេវិន ជាផលិតករទូរទស្សន៍មួយរូបវិញ បានមានប្រសាសន៍ថា៖គ្រប់រឿង គ្រប់រ៉ាវវាតែងតែមាន “ហេតុ បច្ច័យនិងផល” របស់វាជានិច្ច។ ជាដំបូង ខ្ញុំសូមសម្តែងនូវក្តីអាណិតអាសូរជាពន់ពេក ចំពោះប្អូនស្រីខ្ញុង ដែលកំពុងតែវ័ណ្ឌក ជាមួយបំណុលសិបម៉ឺន មិនមានលទ្ធភាពសងរហូតសុខចិត្តដើរចូលគុក ដោយពុំទាន់ទាំងមានអ្នក ប្តឹង និងមិនទាន់មានដិការតុលាការផ្តន្ទាទោសអំពីកំហុសអ្វី??? ហើយកាន់តែអំណោចថែមទៀត គឺប្អូនស្រីពុំបានភ្លេចទទូចអង្វរសុំជំនួយពីសប្បុរសជននានា ម្នាក់១ដុល្លាៗ ទុកគ្រាន់ឲ្យកូនៗពីរនាក់របស់ប្អូនស្រីទិញបាយហូប ពេលដែលប្អូនស្រីគេងនៅក្នុងគុក ។
ផលិតកររូបនេះ បានហៅនាងថា ពិតជាម្តាយប្រកបដោយព្រហ្មវិហារធម៌ជាប្រពន្ធមហាល្អដែលមិនឲ្យប្តីរងទុក្ខមែន ហើយពិតៗៗៗជាពិបាករកមនុស្សដែលហ៊ានស៊ីហ៊ានសងដូចប្អូនស្រី ខ្ញុងនេះណាស់ ព្រោះបើខ្ចីគឺខ្ចី បើអត់លុយសងសុខចិត្តដើរចូលគុកមិនបាច់គេចាប់។ ខ្ចីគេសោះ ហ៊ានទៅរកស៊ីជាមួយ កឺកឺ! ហើយកឺកឺមកពីណាមករកស៊ី តិតក់ ជាមួយវិនិយោគិនជាប់បំណុលដូចជាប្អូនស្រី ខ្ញុងហ្នឹង? ធ្លាប់តែឮគេលេងល្បែង Game on line, ឥឡូវ Loan on line ទៀត!។ដូចជាមិន ទំនង?
លោក គួច ខេវិន បានបន្ថែមថា ទោះជាយ៉ាងណា លោកសុំអង្វរញាតិមិត្តកុំសើច កុំយំកុំឡកឡាយ លេបខាយផ្លែផ្កាឲ្ប្អូនប្អូនស្រី ខ្ញុងធ្វើអ្វី ជួយបានក៏ជួយ ជួយមិនបានក៏ហី ! ព្រោះប្អូនស្រី ខ្ញុងក៏ឆ្លាតមិនអន់ដែរ គ្រាន់តែវាចាញ់ប្រាជ្រ ប៉ុណ្ណោះទើបមានជារឿងបែបអញ្ចឹង ! ចង់ជួយ ប្អូនស្រីខ្ញុងក៏បាន ជួយមន្ទីពេទ្យគន្ធបុប្ឋា មន្ទីពេទ្យកុមារជាតិ កុមារអង្គរ ក៏បានព្រោះនោះជាសទ្ធា ជាកុសលបុណ្យ របស់បងប្អូនជនរួមជាតិ រួមភាសានៃយើង លោកក៏ស្ម័គ្រចិត្តជួយចំពោះអ្នកដែលលោកយល់ច្បាស់ថាត្រូវតែជួយ៕
