ខេត្តព្រៃវែង ៖ កាលពីវេលាម៉ោង១០និង៤៥នាទីថ្ងៃទី២៨ ខែសីហា ឆ្នាំ២០១៦ កម្លាំងកងរាជអាវុធហត្ថខេត្តដោយបានទទួលពត៌មានថា នៅភូមិព្រៃកំពែង ឃុំព្រៃកណ្តៀងមានបើកសៃវៀនជល់មាន់ និងបានទទួលបទបញ្ជារពីលោក ឧត្តមសេនីយ៍ត្រី ប៉ែន ស៊ីប៊នមេបញ្ជារការកងរាជអាវុធខេត្តព្រៃវែង ឲ្យកម្លាំងកងរាជអាវុធហត្ថ ខេត្តដឹកនាំចុះបង្ក្រាប ដោយលោក អនុសេនីយ៍ឯក ផាត់ សុជោត ប្រធានមន្ទីរយុត្តិធម៌ ដើម្បីធ្វើយ៉ាងណា អនុវត្តឱ្យបាននូវគោលនយោបាយភូមិឃុំមានសុវត្ថភាព ដែលប្រមុខរាជរដ្ឋាភិបាលកម្ពុជា បានដាក់ចេញនាពេលកន្លងទៅ។
សូមបញ្ជាក់ថាក្នុងប្រតិបត្តិការណ៍ បង្ក្រាបនេះផងដែរក៏មានការចូលរួមពីសំណាក់ ឯកឧត្តម ជា សុមេធិ អភិបាលនៃគណអភិបាលខេត្ត និងជាប្រធានគណៈបញ្ជារការឯកភាពខេត្ត បានដាក់ផែនការ ដល់កងកម្លាំងមានសមត្ថកិច្ច គ្រប់លំដាប់ថ្នាក់ទូទាំងខេត្តត្រូវយកចិត្តទុកដាក់ បង្ក្រាបរាល់បទល្មើសផ្សេងៗ ដែលកើតមានក្នុងខេត្ត ឲ្យខានតែបានក្នុងមូលដ្ឋានរបស់ខ្លួន។
វត្ថុតាងដែលរិបអូស រួមមានមាន់០១ក្បាល ជញ្ជីងចំនួន០១ បង់សម្រាប់រុំខ្នាយមាន់១៦ដុំកន្ក្រកដាក់ មាន់០២ និងម៉ូតូ០៥គ្រឿង។ បច្ចុប្បន្នសំភារះនិងវត្ថុតាងត្រូវសមត្តកិច្ចយកទៅរក្សាទុក នៅមន្ទីរយុត្តិធម៌កងរាជអាវុធខេត្តដើម្បីកសាងសំណុំរឿងបញ្ជូនទៅតុលាការធ្វើការដោះស្រាយតាមនិតិវិធី៕
