តាកែវ : ករណី ក្រុមអ្នកញៀនល្បែងស៊ីសងជល់មាន់ ខុសច្បាប់ប្រើអំពើហិង្សាវាយដោយដំបងទៅលើអ្នកកាសែត១ក្រុមកាល ពីរសៀលថ្ងៃទី ១៦ ខែ តុលា ឆ្នាំ២០២១ កន្លងទៅថ្មីៗនេះ ពិតជាធ្វើ អោយមានការភ្ញាក់ ផ្អើល និងចាប់អារម្មណ៍ យ៉ាងខ្លាំងពីមហាជន ក៏ ដូចជាមន្ត្រីរាជការ ថ្នាក់ ដឹកនាំ។
បន្ទាប់ពីឃ្លីប Videos ស្តីពីសកម្មភាពពួកកាងបនល្បែងជល់មាន់ខុស ច្បាប់១កន្លែង ស្ថិតក្នុងតំបន់ព្រៃជ្រៅក្នុងភូមិត្រែង ឃុំក្រាំងធ្នង់ ស្រុក បាទី ខេត្តតាកែវ បានព្រួតគ្នាប្រើអំពើហិង្សាវាយដោយដំបងឈើ ទៅលើក្រុមអ្នកកាសែត បណ្តាលអោយរងរបួស ធ្ងន់និងស្រាល សន្លប់ សរុបចំនួន០៣នាក់ ខណ:ពេលពួកគេចុះ ទៅយកព័ត៌មានថតផ្សាយអោយដឹងដល់ ថ្នាក់ដឹកនាំខេត្តតាកែវ និងដឹងដល់ប្រមុខដឹក នាំប្រទេស ។ តែមកទល់ នឹងពេលនេះ ពុំទាន់ ឃើញសមត្ថកិច្ចចាប់ បានជនដៃដល់បង្កហិង្សាលើអ្នកកាសែតយកទៅផ្តន្ទាទោសតាមច្បាប់នៅឡើយទេ។ ទោះជាក្រុមអ្នកកាសែត រងគ្រោះទាំង៣នាក់ បានដាក់ពាក្យបណ្តឹង ប្តឹងទៅអធិការដ្ឋាននគរបាលស្រុកបាទីហើយក៏ដោយ ។
ប៉ុន្តែ តាមបណ្តាញសង្គម និង ប្រព័ន្ធផ្សព្វផ្សាយអនឡាញក្នុងស្រុក ដែលត្រូវបានប្រជាពលរដ្ឋនៅ ស្រុកបាទី រាយការណ៍ ប្រាប់អោយដឹងថា ម្ចាស់ ទីតាំងសៃវៀនជល់មាន់ គ្មានច្បាប់នោះ គឺឧកញ៉ា គង់ ចាន់ដេត ដែលជាបុគ្គល០១រូបដ៏ មានឥទ្ធិពលខ្លាំងក្លាបំផុតនៅក្នុងអាណាចក្រ ស្រុកបាទី ខេត្តតាកែវនេះ នរណាៗ ក៏ស្គាល់និងល្បីរន្ទឺនូវឈ្មោះឧកញ៉ា គង់ ចាន់ ដេតនេះដែរ តាមរយ:ការធ្វើសកម្មភាព ផ្តល់អំណោយមនុស្សធម៌ ដល់រដ្ឋបាល ខេត្តតាកែវ រដ្ឋបាលស្រុក បាទី និងប្រជាពលរដ្ឋក្រីក្រមួយចំនួន រួចថតរូបបង្ហោះតាមfacebook ។
លោក ឧកញ៉ា គង់ ចាន់ដេត ត្រូវបានប្រជាពលរដ្ឋ បញ្ជាក់ថា បុគ្គលនេះ សាហាវណាស់ ថាវ៉ៃគឺវ៉ៃ ថាបាញ់គឺបាញ់ហើយ ព្រោះធ្លាប់មានរឿងរ៉ាវដីធ្លីជាមួយប្រជាពលរដ្ឋ កន្លងមក ។ ក្រៅពីរបរ រកស៊ីរឿងដីធ្លី គឺបុគ្គល នេះបើកទីតាំងជល់មាន់ នេះយូរមកហើយ ឡើង ដុះស្លែគ្មានអាជ្ញាធរដែន ដី និងសមត្ថកិច្ចថ្នាក់ ណាហ៊ានក្អកឬទៅរំខាន ការរកស៊ីរបស់គាត់ឡើយ ព្រោះសុទ្ធតែខ្សែ ស្រឡាយបក្ខពួក ដែល ទទួលលាភសក្ការ:ពី គាត់ ។ ឥលូវបែកធ្លាយ ហើយចាំមើលៗថាតើ ថ្នាក់ដឹកនាំខេត្តតាកែវ និងថ្នាក់ដឹកនាំស្រុកបាទី ហ៊ានធ្វើក ឧកញ៉ា ដ៏មានឥទ្ធិពលរូបនេះទេ? ។
ជុំវិញការចោទ ប្រកាន់របស់ប្រជាពល រដ្ឋអំពីករណីខាងលើនេះ ការិយាល័យ គេហទំព័រ យើងខ្ញុំពុំអាចស្វែងរកការសយំបំភ្លឺ ពីលោកឧកញ៉ា គង់ ចាន់ដេត បានទេ ព្រោះ ពុំមានលេខទូរស័ព្ទទំនាក់ទំនង ៕