កំពង់ស្ពឺ ៖ ថ្មីៗនេះ មានករណី បែកធ្លាយព័ត៌មាន ពីប្រជាពលរដ្ឋ ដែលជាសាច់ញាតិជនរងគ្រោះបានរាយការណ៍ ប្រាប់តាមទូរស័ព្ទថា កាលពីវេលាម៉ោង០៤ និង១៥ នាទីរសៀលថ្ងៃទី ០៦ខែ កក្កដា ឆ្នាំ២០២១កន្លង ទៅ កម្លាំងនគរបាលនៃមន្ទីរប្រឆាំងគ្រឿងញៀន (ក៤) ដឹកនាំដោយលោក ឧត្តមសេនីយ៍ទោ ម្នាក់ (សុំលាក់ឈ្មោះសិន)បានចុះប្រតិបត្តិការ ឆ្មក់ចាប់បង្ក្រាបមុខសញ្ញាជួញ ដូរគ្រឿងញៀន នៅក្នុងភូមិ០៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
ក្នុងនោះសមត្តកិច្ចក៤នៃមន្ទីរគ្រឿងញៀនចាប់បានមនុស្សចំនួនបីនាក់( ស្រី៣នាក់ ) ។ដកហូតម៉ូតូចំនួន ៣ គ្រឿង មានម៉ាកហុងដាឌ្រីមចំនួន ០២ គ្រឿង និងម៉ូតូត្រៃ ០១ គ្រឿង ដែលចតទុកនៅក្បែរទីតាំងដឹកយកទៅកាន់ការិយា ល័យ(ក៤) ។ បើតាមប្រជាពលរដ្ឋក្បែរខាងឲ្យដឹងថាក្នុងពេលនោះដែរក៏មានរថយន្ត១គ្រឿងស្ថិតក្នុងបរិវេណប្រតិបត្តិការណ៍ក៏ត្រូវបានក្រុមសមត្ថកិច្ចក៤ចាប់គាបស៊ីលុយ អស់២ម៉ឺនដុល្លារដែរទើបដោះលែងរថយន្ត នោះនៅហ្នឹងកន្លែង ។ ឯមនុស្សស្រីទាំង៣នាក់ ( មុខសញ្ញាជនសង្ស័យ ) ត្រូវបានដោះលែងភ្លាមៗបន្ទាប់ ពីក្រុមសមត្ថកិច្ចគាបជំរិតយកប្រាក់បាន២ម៉ឺនដុល្លារអាមេរិក ដោយ មិនបញ្ជូនករណីនេះទៅតុលាការខេត្តកំពង់ស្ពឺនោះទេ ។
ក្រោយមក រយ:ពេលប្រហែល១ខែ កងកម្លាំងសមត្ថកិច្ច ដដែលនេះបានចុះទៅ ឆ្នក់ចាប់មុខសញ្ញាសង្ស័យជួញដូរគ្រឿង ញៀនបានស្ត្រីចំនួន៣នាក់ទៀត(២នាក់មុខសញ្ញាដដែល) ដោយគាបយកលុយបានក្នុងម្នាក់ៗ៧០០០ដុល្លារអាមេរិក រួចក៏ដោះលែងមនុស្សវិញដូចលើកមុនដែរតែក្នុងចំណោមបីនាក់នេះ មានម្នាក់ជាមនុស្សស្លូតត្រង់ក័ត្រូវអស់លុយរហូតដល់១៤០០០ដុល្លារឯណោះ ព្រោះក្រុមគ្រួសារបានបង់លុយអោយលើកទី១ ទំនងជាត្រូវគេស៊ីដាច់ថ្នាក់លើ ទើបមិនដោះលែងជនសង្ស័យ ដោយតម្រូវអោយបង់៧០០០ដុល្លារបន្ថែមទៀត ។ ចំណែកឯម៉ូតូ ដែលដឹកមកកាន់ការិយាល័យ ក៤ នោះ ខាងជំនាញក៤តម្រូវ អោយម្ចាស់ម៉ូតូ ធ្វើលិខិតស្នើសុំ ទៅតុលាការខេត្តកំពង់ ស្ពឺ ដើម្បីយកម៉ូតូ មកប្រើប្រាស់វិញក៏ចាយលុយអស់មិនស្ទើរដែរ! ។ ប៉ុន្តែនៅលើលិខិតស្នើសុំ យកម៉ូតូ ដែលជំរាប ទៅតុលាការខេត្តកំពង់ ស្ពឺ ពុំមានចុះថ្ងៃខែឆ្នាំ ទេ និងពុំមានការបោះត្រាចូលតុលាការដែរ មានតែស្នាមផ្តិតមេដៃអ្នកស្នើសុំតែប៉ុណ្ណោះ ។
ដោយឡែកប្រភពពី សមត្ថកិច្ចនគរបាលខេត្តកំពង់ស្ពឺវិញ ក៏ពុំបាន ដឹងអំពីករណីនេះដែរ ព្រោះខាងក៤មន្ទីរគ្រឿងញៀនដឹកនាំដោយឧត្តមសេនីយ៍ទោរូបនោះមិនរាយការណ៍សុំសហការ(សំណាងហើយទឹកដីឧត្តមសេនីយ៍សំសាមួនស្នងការបើនៅភ្នំពេញវិញលោកឧត្តមសេនីយ៍សថេតវិញវ៉ៃខ្នោះបាត់)។ ឯខាងស្ថាប័នតុលាការ ខេត្តកំពង់ស្ពឺក៏ពុំទទួល បានសំណុំរឿង ករណី នេះពីសមត្ថកិច្ចជំនាញនៅឡើយទេ? ។
ថ្វី ត្បិតតែករណីនេះបាន កើតឡើងតាំងពីខែកក្តដា២០២១ មកដល់ ពេលនេះមានរយ:ពេល ៣ខែជាងហើយក៏ដោយ ក៏ពុំទាន់ឃើញខាងអង្គភាពជំនាញ មន្ទីរប្រឆាំងគ្រឿងញៀន លើកមក ធ្វើសន្និសីទសារព័ត៌មាន បង្ហាញមហាជនអោយ អស់ចម្ងល់នោះទេ ។ ប៉ុន្តែប្រជាពលរដ្ឋ នៅឃុំត្រែងត្រយឹង ស្រុកភ្នំស្រួច ពិសេសក្រុម គ្រួសារសាច់ញាតិជនរងគ្រោះ ដែលរងការ គាបជំរិត សំឡុតគំរាមកំ ហែងពីសមត្ថកិច្ច មិនអោយប្រាប់អំពីករណីនេះដល់អ្នក កាសែតជាដាច់ខាត ពួក គាត់នៅតែមានការភ័យខ្លាច និងរងារខ្លួន មកទល់សព្វថ្ងៃនេះ ។
ករណីនេះ គេមិនដឹងថាតើលោកឧត្តមសេនីយ៍ឯកឡឹកវណ្ណៈប្រធានប្រឆាំងមន្ទីរគ្រឿងញៀនបានសើមមាត់ដែរឬឧត្តមសេនីយ៍ទោអនុខ្លួនច្រះដាច់នោះទេ។បើលោកឡឹកវណ្ណៈមិនដឹងចឹងតើឯកឧត្តមនាយឧត្តមសេនីយ៍ ម៉ក់ ជីតូ អគ្គស្នងការរង នគរបាលជាតិ ទទួលបន្ទុក ការងារប្រ ឆាំងគ្រឿងញៀន លោក បានដឹងដែរឬអត់មានឧត្តមសេនីយ៍ទោនាំកូនចៅទៅរកស៊ីនៅយត្រែងត្រយឹងបានលុយជិត៨ម៉ឺនដុល្លារអាមេរិក! ? ៕
