រាជធានីភ្នំពេញ : បើនិយាយពីរឿង ទប់ស្កាត់ និងបង្ក្រាប រាល់បទ ល្មើសគ្រប់ប្រភេទពិសេសបទល្មើសល្បែងសុីសងខុសច្បាប់ នៅ ក្នុងរាជធានីភ្នំពេញនោះ លោក ឃួង ស្រេង អភិបាល នៃគណ:អភិបាលរាជ ធានីភ្នំពេញបានប្រជុំដាក់ផែនការនិងបទបញ្ជាប្រចាំសប្តាហ៍ រៀងរាល់ខែតែងតែ រំលឹកផង ព្រមានផង និងដាក់វិធានការ ក៏ដូចជាបទបញ្ជាយ៉ាងតឹងរ៉ឹងបំផុតចំពោះអាជ្ញាធរ និងសមត្ថកិច្ចទូទាំងរាជធានីភ្នំពេញ គ្រប់ខណ្ឌអោយយកចិត្តទុកដាក់ ទប់ស្កាត់នឹងបង្ក្រាប រាល់បទល្មើសផ្សេងៗដែលកើតឡើង ពិសេសគឺបនល្បែងស៊ីសងខុសច្បាប់គ្រប់ប្រភេទបើនៅតែកើតមានក្នុងទឹកដីខណ្ឌណា ចៅហ្វាយខណ្ឌនោះ នឹងត្រូវដកតំណែងចេញផងដែរ ។
ប៉ុន្តែ ក្នុងកាល:ទេស: ដែលជម្ងឺកូវីត១៩ បាននឹងកំពុងរីករាលដាលខ្លាំង អាជ្ញាធរ និងសមត្ថកិច្ចពាក់ព័ន្ធ គ្រប់លំដាប់ថ្នាក់ជាប់ដៃរវល់មមារញឹក រឿងប្រយុទ្ធប្រឆាំង ជម្ងឺកូវីត១៩ ។ស្រាប់តែថ្មីៗនេះ ក្រោយពេលដែលចៅ ហ្វាយខណ្ឌឬស្សីកែវត្រូវបានផ្លាស់ប្តូរពីលោក ជា ពិសី ដាក់លោក ឯក ឃុនឌឿន មកកាន់តំណែងជាអភិបាល ខណ្ឌឬស្សីកែវ មិនទាន់ អង្គុយកៅអីចៅហ្វាយ ខណ្ឌក្នុងប៊ុយរ៉ូ បានក្តៅគូថផង បែរជានៅក្នុងទឹកដីខណ្ឌឬស្សីកែវប្រជាពលរដ្ឋបានរាយការណ៍ប្រាប់មកសហភាតរៈយើងថា ថា: មានករណីបើកបនល្បែងស៉ីសងខុសច្បាប់ ប្រមូលផ្ដុំមនុស្សច្រើន មិនរក្សាគម្លាតបង្កហានិភ័យ អំឡុងពេលជម្ងឺ covid-19 កំពុងរីករាល ដាលក្នុងសហគមន៍ ។
ប្រភពព័ត៌មានបានបញ្ជាក់ពីទីតាំងបើកបនល្បែងភ្នាល់ជល់មាន់តាម អនឡាញ១កន្លែង ស្ថិតនៅផ្ទះលេខ 322 ផ្លូវលេខ 907 ភូមិទួល សង្កែទី១ សង្កាត់ទួល សង្កែ ខណ្ឌឬស្សីកែវ រាជធានីភ្នំពេញបានដំណើរការលេងល្បែងសុីសងភ្នាល់ ជល់មាន់តាមអនឡាញដោយមានក្រុមអ្នកញៀនល្បែងប្រមូលផ្តុំគ្នា ច្រើនលេងល្បែងស៊ីសងយ៉ាងរលូន ដោយគ្មានរំខានដល់សមត្ថកិច្ចមូលដ្ឋានណាទេ។
ប្រជាពលរដ្ឋរស់នៅ ក្បែរទីតាំងបន ល្បែងខាងលើនេះ បានរាយ ការណ៍តាមទូរស័ព្ទ និងបានបញ្ជូនរូបភាព ឃ្លីប Videos តាមតេឡេក្រាម ស្តីពីសកម្ម ភាពក្រុមអ្នកញៀនល្បែងជួបជុំប្រមូលផ្តុំគ្នាលេងល្បែងភ្នាល់ជល់ មាន់តាមអនឡាញនៅក្នុងផ្ទះ ទីតាំងខាងលើនេះរាល់ថ្ងៃច្រើនហើយភ្នាល់ស៊ីសងរាប់រយ រាប់ពាន់ដុល្លារ ដោយគ្មានការគោរពអនុវត្តតាមវិធានការក្រសួង សុខាភិបាល និងសេចក្ដីជូន ដំណឹងរបស់សាលារាជធានី ភ្នំពេញឡើយ(នេះមិននិយាយពីបើកលេងខុសច្បាប់ទេ) ។
យោងតាម សេចក្តីរាយការណ៍ របស់ប្រជាពលរដ្ឋនេះ ការិយាល័យនិពន្ធ អង្គភាពយើងខ្ញុំ សូមផ្សាយរាយការណ៍ជូនលោក ឯក ឃុនឌឿន អភិបាល ខណ្ឌឬស្សីកែវ ដើម្បីលោកបានជ្រាប នឹងចុះពិនិត្យមើលចាត់ វិធានការជាក់ស្តែង ថាតើពិតជាមានការជួបជុំគ្នាលេងល្បែងស៊ីសងតាមអនឡាញមែនឬមិនពិត ? ។
ដូច្នេះប្រជាពលរដ្ឋ សង្ឃឹមជឿជាក់ថា: បន្ទាប់ពីការផ្សាយរបស់ អង្គភាពយើងខ្ញុំ ១ លេខនេះ នឹងបានដឹងលឺដល់លោក ឃួង ស្រេង អភិបាល រាជធានីភ្នំពេញ ច្បាស់ ជាលោកចៅហ្វាយរាជធានីភ្នំពេញលោកនឹងមានវិធានចំពោះទីតាំង បនល្បែងខុសច្បាប់នេះជាមិនខាន ៕
