ខេត្តព្រៃវែង ៖ នៅថ្ងៃទី២៧ ខែសីហា ឆ្នាំ២០១៦វេលាម៉ោង១៥.១៥នា ទីកម្លាំងកងរាជអាវុធហត្ថ និងកម្លាំង កងរាជអាវុធស្រុកព្រះស្តេចចុះ បង្ក្រាបទីតាំងល្បែងស៊ីសង ជល់មាន់មួយករណីដែលស្ថិតក្នុងភូមិប្របុះ ឃុំសេនារាជឧត្តម ស្រុកព្រះស្តេច ខេត្តព្រៃវែង។
ដោយមានការចង្អុលបង្ហាញពីសំណាក់ លោកឧត្តមសេនីយ៍ត្រី ប៉ែន ស៊ីប៊ន មេបញ្ជារការ កងរាជអាវុធហត្ថខេត្តព្រៃវែង និងដឹកនាំដោយលោកអនុសេនីយ៍ឯក ផាត់ សុផោតប្រធានមន្ទីរយុត្តិធម៌ កងរាជអាវុធហត្ថខេត្តចុះបង្ក្រាប បនល្បែងស៊ីសងជល់មាន់ដុះស្លែមួយកន្លែង នៅភូមិឃុំស្រុកខាងលើ ធ្វើឲ្យអ្នកលេងល្បែងមាន់ជល់រត់ព្រាស់អាយុព្រោងព្រាត រត់ចោលម៉ូតូរត់ចោលមាន់។
ទាំងនេះ ដោយសារកងកម្លាំងកងរាជអាវុធហត្ថយើងសហការគ្នាបានល្អ និងមានការយកចិត្តទុក ដាក់ពីសំណាក់លោកមេបញ្ជារការកងរាអាវុធខេត្តបំបាត់រាល់ល្បែងស៊ីសងគ្រប់ប្រភេទ ដើម្បីរក្សាសន្តិសុខសុវត្តិភាពជូនប្រជាពលរដ្ឋ។
កម្លាំងរាជអាវុធហត្ថយើងបង្ក្រាបបានរួមមានវត្ថុតាងមាន់០១ក្បាល កន្ត្រក់ដាក់មាន់០៥ទ្រុង ដាក់មាន់០២.និងបង្គោលឬស្សីសម្រាបធ្វើសៃវៀនមាន់ចំនួន១២ ដើមតង់កៅស៊ូប្រក់ដំបូលសៃវៀនមាន់ ០១ និងម៉ូតូ១១គ្រឿង។ បច្ចុប្បន្នវត្ថុតាង និងសំភារះ ដែលបង្ក្រាបបាន សមត្ថកិច្ចកងរាជអាវុហត្ថ យកទៅរក្សាទុកនៅមូលដ្ឋាន កងរាជវុធហត្ថស្រុកព្រះស្តេច ដើម្បីកសាងសំណុំរឿងតាមនិតិវិធី ៕