ឧត្តរមានជ័យ៖ ថ្ងៃអាទិត្យ ទី០៣ ខែតុលា ឆ្នាំ២០២១ វេលាម៉ោង ០៩ និង ៣០ នាទីព្រឹករោងម៉ាស៊ីនរ៉ៃឈូសជ្រៀកឈើប្រណិតអត់ច្បាប់ដ៏ធំមួយកន្លែង ជាកម្មសិទ្ធរបស់មន្ត្រីយោធាម្នាក់ឈ្មោះ(ហេង គឿង)នៅកងពលលេខ(០៦) និងជាមេឈ្មួញរកស៊ីឈើផងនៅថ្ងៃទី៣តុលាគេឃើញធ្វើសកម្មភាពឈូសជ្រៀកឈើប្រណិមានទីតាំងស្ថិតនៅគៀនខាងក្រោយហ្គារ៉ាសសាំងផ្ទះរបស់មេឈ្មួញរូបនេះផ្ទាល់ ស្ថិតក្នុងភូមិព្រៃស្អាក ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។
អ្នកសារព័ត៌មានបានចុះទៅដល់ទីកន្លែងរោងម៉ាស៊ីនរ៉ៃ នោះផ្ទាល់ និងបានថតផ្ដិតយករូបភាពគំនរឈើប្រណិតជាច្រើនគំនរជាភស្តុតាងផងដែរ។ តាមប្រជាពលរដ្ឋមួយថ្ងៃៗគេឃើញមានរថយន្តជាច្រើនគ្រឿង និងគោយន្តកន្ត្រៃ ដឹកជញ្ជូនឈើចេញចូលយ៉ាងរលូន ក្នុងមួយថ្ងៃៗ រាប់ម៉ែត្រគីបដោយគ្មាន អាជ្ញាធរ សមត្ថកិច្ច និងមន្ដ្រីជំនាញ នៅក្នុងមូលដ្ឋាននោះបើកភ្នែកមើលឃើញ និងធ្វើការចាប់បង្ក្រាបឡើយ ។
តាមប្រជាពលរដ្ឋបុរសមេឈ្មួញឈ្មោះហេង គឿងដែលរកស៊ី បើករោងម៉ាស៊ីនរ៉ៃឈូសជ្រៀកឈើខុសច្បាប់បានយ៉ាងរលូនអស់រយៈពេលជាច្រើនឆ្នាំកន្លងមកហើយ។ ករណីយ៍ឈ្មួញឈើជាមន្ត្រីយោធាប្រព្រឹត្តបទល្មើសព្រៃឈើមិនអាចសុំការបកស្រាយពីលោក ជៀល សុផល នាយសង្កាត់រដ្ឋាភិបាលព្រៃឈើស្រុកត្រពាំងប្រាសាទថាតើហេតុអីបានជារោងអារឈើមួយនេះអាចធ្វើសកម្មភាពនិងដឹកជញ្ជូនឈើប្រណិតចូលមកបាន?។
ប្រជាពលរដ្ឋស្លូតត្រង់ក៏ដូចជាមហាជនជាច្រើន បានធ្វើការអំពាវនាវទៅដល់ ឯកឧត្ដម នាយឧត្ដមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និង ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន សូម ឯកឧត្តម មានចំណាត់ការណ៍ក្ដៅចំពោះ មន្ត្រីជំនាញក្រោមឱវាទ ឲ្យធើ្វការចុះចាប់បង្ក្រាបទីតាំងរោងម៉ាស៊ីនរ៉ៃអត់ច្បាប់របស់ជនបំផ្លាញព្រៃឈើឈ្មោះ(ហេង គឿង) ដែលជាទាហាននៅក្នុងកងពលលេខ(០៦)ផងទាន ។
ព្រោះបើពឹង លោក ជៀល សុផល នាយសង្កាត់រដ្ឋាភិបាលព្រៃឈើស្រុកត្រពាំងប្រាសាទ លោកមេព្រៃរូបនេះមិនសូវយកចិត្តទុកដាក់ធ្វើការចាប់បង្ក្រាបបទល្មើសព្រៃឈើនោះទេ ថែមទាំងបណ្ដោយឲ្យកើតមានការចរាចរមានដូចជា រោងម៉ាស៊ីនរ៉ៃឈូសជ្រៀកឈើ និងរោងសិប្បកម្មកែឆ្នៃផលអនុផលព្រៃឈើអត់ច្បាប់ ជាច្រើនរាប់សិបន្លែង យ៉ាងអនាធិបតេយ្យក្នុងស្រុកត្រពាំងប្រាសាទ ខេត្តឧត្ដរមានជ័យ បើកធ្វើតាមតែអំពើចិត្តទៀត។