មណ្ឌលគិរី៖ ដើម្បីពង្រឹងការផ្ដល់គុណភាពសេវាទូរស័ព្ទឱ្យកាន់តែទូលំទូលាយក្នុងពេលដែលខេត្តមណ្ឌលគិរីកាន់តែមានភ្ញៀវទេសចរណ៍និងសកម្មភាពកសាងអចលនៈទ្រព្យកនាត់តែច្រើនពីពណ្តាអ្នកមានលុយ ពីរាជធានីនិងក្នុងខេត្ត លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានដឹកនាំ គណៈប្រតិភូ ក្រុមការងារបច្ចេកទេស ប្រធានមន្ទីរប្រៃសណីយ៍ខេត្ត និង តំណាងក្រុមហ៊ុនទូរស័ព្ទចល័តទាំងអស់នៅក្នុងខេត្តមណ្ឌលគិរី បានអញ្ជើញចុះត្រួតពិនិត្យដោយផ្ទាល់នៅតាមបណ្ដាលស្ថានីយបង្គោលអង់តែនសេវាទូរស័ព្ទ ក្នុងក្រុងស្រុកនៅខេត្តមណ្ឌលគិរី នាថ្ងៃទី ៤ ខែតុលា ឆ្នាំ ២០២១។
លោក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានស្នើដល់តំណាងក្រុមហ៊ុនសេវាទូរស័ព្ទចល័តទាំងអស់ ឱ្យដាក់បុគ្គលិករបស់ខ្លួននៅតាមស្ថានីយសេវាអង់តែនទូរស័ព្ទចល័តរបស់ខ្លួន ដើម្បីការពារទ្រព្យសម្បត្តិរបស់ក្រុមហ៊ុន ជួសជុលថែទាំ និងដោះស្រាយបញ្ហាមួយចំនួន ដែលកើតមាននៅស្ថានីយ ពិសេសធានានូវការផ្ដល់សេវាទូរស័ព្ទចល័តប្រកបដោយគុណភាព សេវាគ្របដណ្ដប់ទូលំទូលាយ ផ្ដល់ភាពងាយស្រួលដល់អតិថិជនក្នុងការទំនាក់ទំនងតាមប្រព័ន្ធទូរស័ព្ទដៃ។
សូមបញ្ជាក់ថា សេវាទូរស័ព្ទនៅខេត្តមណ្ឌលគិរីនៅឆ្នាំ២០២១ពង្រីកបានកាន់តែទូលំទូលាយ នៅតាមតំបន់ប្រជុំជននានាអាចមានសេវាអ៊ិនធើណេតប្រើប្រាស់ សម្រួលដល់ការប្រើប្រាស់របស់ប្រជាពលរដ្ឋទាំងភ្ញៀវទេសចរណ៍និងម្ចាស់ដីថ្មីៗដែលទៅពីភ្នំពេញ និងការងាររដ្ឋបាលរបស់មន្ត្រីរាជការ៕
