បាត់ដំបង ៖ អ្នកណាជាអ្នកលក់ដីភ្នំធិបតី នៅស្រុកគាស់ក្រឡដែលជាសម្បត្តិរដ្ឋឲ្យមេឈ្មួញឈ្មោះ សារិ ជីកកកាយដីធ្វើអាជីវកម្មយ៉ាងអនាធិបតេយ្យចឹង?។
ឈ្មួញឈ្មោះ សារិ អួតអាងថា អាជីវកម្មកាយដីភ្នំរបស់ខ្លួននៅតំបន់ភ្នំធិបតី គឺមានច្បាប់អនុញ្ញាត ប៉ុន្តែមន្ត្រីជំនាញបានអះអាងថា អាជីវកម្មនោះអត់ច្បាប់?។
ហេតុនេះហើយទើបប្រជាពលរដ្ឋក្នុងឃុំធិបតី រង់ចាំមើលចំណាត់ការរបស់មន្ទីរពាក់ព័ន្ធក្នុងខេត្តបាត់ដំបង ចំពោះអាជីវកម្មកាយដីភ្នំធិបតី របស់ឈ្មួញឈ្មោះ សារិ ដែលកំពុងតែប្រព្រឹត្តទៅយ៉ាងពេញទំហឹង។ប្រជាពលរដ្ឋបានឲ្យដឹងថា មន្ត្រីអាជ្ញាធរថ្នាក់ឃុំថ្នាក់ស្រុក បានរក្សាភាពស្ងៀមស្ងាត់បណ្តោយឲ្យឈ្មួញឈ្មោះ សារិ ធ្វើអ្វីៗតាមអំពើចិត្ត។
ប្រជាពលរដ្ឋអំពាវនាវឲ្យលោកសុខលូអភិបាលខេត្តបាត់ដំបងថ្មី ព្រមទាំងលោក ស៊ុយ សែម រដ្ឋមន្ត្រីក្រសួងរ៉ែនិងថាមពល ពិនិត្យឡើងវិញជាបន្ទាន់ផងបើលោកមិនបានទទួលលាភសក្ការ:ពីឈ្មួញដី។
ព្រោះពឹងលោក អ៊ាន មាឃ ប្រធានមន្ទីររ៉ែនិងថាមពលខេត្តបាត់ដំបងក្នុងការការពាសម្បត្តិរដ្ឋកក់ក្តៅដូចអាំងផេះចឹង។ ប្រភពពីមន្ត្រីតូចតាចនៃមន្ទីរឋាមពល បានឲ្យដឹងថា ច្រើនឆ្នាំកន្លងទៅនេះអាជីវកម្មកាយដីភ្នំ ជីករណ្តៅដី បូមខ្សាច់កើបខ្សាច់គ្មានច្បាប់អនុញ្ញាត បានក្លាយទៅជាប្រភពចំណូលរបស់លោក អ៊ាន មាឃ និងបក្ខពួក?។