កំពង់ធំ ៖ ប៉ូលីសសេដ្ឋកិច្ចមកពីអគ្គស្នងការនគរបាលជាតិប្រចាំការនៅខេត្តកំពង់ធំ ហានវាយប្រជាពលរដ្ឋដឹកក្តារធ្វើផ្ទះនិងកាំភ្លើងខ្លីបែកក្បាលត្រូវឃាត់ខ្លួនកាលពីវេលាម៉ោង ៨នឹង៣០នាទីយប់ថ្ងៃទី ២៩ខែកញ្ញា។
ការឃាត់ខ្លួន ប៉ូលិសសេដ្ឋកិច្ចក្រសួងពីរនាក់ដោយយោង តាមពាក្យបណ្ដឹងរបស់ជនរងគ្រោះឈ្មោះ ធី ញាញ់ អាយុ ៣២ឆ្នាំ នៅភូមិល្អក់ ឃុំកំពង់ថ្ម កាលពីថ្ងៃទី ២៨ កញ្ញា ២០២១។នៅ ឆ្នាំ២០២១។
លោកឧត្តមសេនីយ៍ត្រី ទិត សំណាង ស្នងការរងនគរបាលខេត្ត បានឲ្យដឹងថា ការចុះឃាត់ជនសង្ស័យជាមន្ត្រីនប៉ូលិសសេដ្ឋកិច្ចក្រសួង២នាក់គឺបានធ្វើឡើង តាមការចង្អុលបញ្ជាពីឯកឧត្តមព្រះរាជអាជ្ញា អយ្យការអមសាលាដំបូងខេត្តកំពង់ធំ បានឃាត់ខ្លួនមនុស្ស០៤នាក់ពីបទដាក់កុងត្រូលជជុះជំរិតទារប្រាក់និងប្រើអំពើហិង្សាវាយនិងពិល ទះកំភ្លៀងអ៊ុកនិងជង្គង់ តែបើតាមប្រភពពីប្រជាពលរដ្ឋថាដកកាំភ្លើងខ្លីវាយក្បាលប្រជាពលរដ្ឋដឹកឈើ(ក្តា ) ចំនួន០៩សន្លឹកដោយគោយន្តកន្រៃ្តកាឡេថង.យកមកធ្វើផ្ទះនៅតំបន់អូជ្រៅភូមិសាស្ត្រភូមិគន្លងខ្ទីងឃុំឈើទាលស្រុកសណ្តាន់បណ្តាលអោយរងរបួសធ្ងន់។
ជនសង្ស័យមាន ៤ នាក់ ត្រូវបានឃាត់ខ្លួនដៃដល់មានឈ្មោះអ៊ុច សុខរិទ្ធី ភេទប្រុស អាយុ៣៤ឆ្នាំ ភូមិត្រពាំងឈូកសង្កាត់ទឹកថ្លាខណ្ឌសែនសុខរាជធានីភ្នុំពេញ.ទី២ឈ្មោះកែវ រីណា ភេទប្រុស អាយុ ៣១ឆ្នាំ ភូមិ លេខ២០ផ្លូវ៦១៤សង្កាត់បឹងកក់២ ខណ្ឌទួលគោករាជធានីភ្នំពេញ។ ជនដៃដល់ទាំង ២ នាក់ ដែលត្រូវឃាត់ខ្លួនកសាងសំណុំរឿងបញ្ជូនទៅតុលាការ ខេត្តកំពង់ធំជាកូនចៅរបស់លោកវីរៈសេនីយ៍ទោ អំ សុខជា ។
ចំណែក ជនសង្ស័យ២នាក់ម្នាក់ជាប្រជាការពារ ម្នាក់ជាអ្នកសារព័ត៌មាន ឈ្មោះវ៉ាន់ លាងហេង ភេទប្រុស អាយុ ៣៧ឆ្នាំ ភូមិ អូពកសាមគ្គី ឃុំឈើទាល និងឈ្មោះលេង ថេត ភេទប្រុស អាយុ ៤៨ឆ្នាំ ភូមិគន្លងខ្ទីងឃុំឈើទាលស្រុកសណ្តាន់ ក្រោយពីធ្វើការសាកសួរ ដោយយល់ឃើញថាពុំមានការពាក់ព័ន្ឋ សមត្ថកិច្ចបានឲ្យមកផ្ទះវិញ៕
