ខេត្តប៉ៃលិន៖ ក្នុងកិច្ចជំនូបពិភាក្សាគ្នា រវាងរដ្ឋបាលខេត្តប៉ៃលិន ជាមួយលោក ឆាមម៉ុងគល់ ស៊ុកកល់តាម៉ាត់ (chaimongkol sukoltamat) នា ព្រឹកថ្ងៃទី២៦ ខែសីហា ឆ្នាំ២០១៦ ក្នុងសាលប្រជុំអក្សរអ៊ុយ ក្នុងខេត្តប៉ៃលិន ស្តីពីបញ្ហាវិនិយោគការកែឆ្នៃសំរាម ឲ្យទៅជាប្រព័ន្ធអគ្គីសនី ដែលមានការអញ្ជើញចូលរួមជាគណៈអធិបតី លោក កើត សុធា អភិបាល នៃគណៈអភិបាលខេត្តប៉ៃលិន , លោក chaimongkol sukoltamat ជាទីប្រឹក្សារដ្ឋសភា និងជាសមាជិកគណៈកម្មការយុត្តិធម៌នៃប្រទេសថៃ ព្រមទាំងមានការចូលរួមពីអភិបាលរងខេត្ត លោកនាយករដ្ឋបាលខេត្ត ,លោកប្រធានមន្ទីរបរិស្ថានខេត្ត ព្រមទាំងលោក លោកស្រី អមគណៈប្រតិភូរថៃ ជាច្រើននាក់ផងដែរ ។
បើតាមលោក គឹម សុខា ប្រធានមន្ទីរបរិស្ថានខេត្តប៉ៃលិន បានឱ្យដឹងថា៖ ទិន្នន័យសំរាមជាមធ្យមគឺ ប្រមាណ ៣១តោន ក្នុង១ថ្ងៃ ក្នុងនោះសំរាមដែលដឹកចូលទីលានចាក់សំរាម មានប្រមាណជា ២១តោន ក្នុង១ថ្ងៃ សំរាមដែលប្រមូលចូលដេប៉ូអេតចាយ កៃច្នៃរឡើងវិញ ប្រមាណជា ៦តោន ក្នុង១ថ្ងៃ និងសំរាមនៅតាមទីសាធារណៈខុសច្បាប់ ប្រមាណជា ៤តោន ក្នុង១ថ្ងៃ ។
ក្នុងឱកាសនោះដែរ លោក ឆាម ម៉ុងគល់ ស៊ុកកល់តាម៉ាត់ (chaimongkol sukoltamat) ជាទីប្រឹក្សារដ្ឋសភា និងជាសមាជិក គណៈកម្មការយុត្តិធម៌ នៃប្រទេសថៃ បានមានប្រសាសន៍លើកឡើងថា ៖ “គណៈប្រតិភូរបស់លោក មកខេត្តប៉ៃលិនពេលនេះ ក្នុងគោលបំណងសហការ សាមគ្គីរវាង កម្ពុជា+ថៃ និងដើម្បីសិក្សាស្វែងយល់ពីភូមិសាស្ត្រអោយបានកាន់តែច្បាស់ដើម្បីសិក្សារកកន្លែង សាងសងក្រុមហ៊ុនក្នុងការកែឆ្នៃរសំរាមទៅជាថាមពលអគ្គីសនីអោយបានត្រឹមត្រូវទៅតាមស្តង់ដា និងបច្ចេកទេស ហើយបានផ្តល់ឱកាសអោយប្រជាពលរដ្ឋនៅខេត្តប៉ៃលិនមានការងារ ធ្វើសមរម្យ។
លោកបានបន្តថា៖ “ការវិនិយោគនេះគឺមានសារៈសំខាន់ណាស់ ដែលអាចប្រើប្រាស់ ថាមពលអគ្គីសនីកែឆ្នៃរ ដោយយកកំកាកសំណល់អត់ប្រយោជន៍ពីធុងសំរាម ដែលអាចកាត់បន្ថយជាតិកង្វក់នៅទីក្រុង អោយមានសោភ័ណភាពស្រស់ស្អាត និងប្រជាពលរដ្ឋមានសុខភាពល្អផងដែរ”។
ឆ្លៀតក្នុងកិច្ចជំនួបពិភាក្សាលោកកើត សុធា អភិបាលខេត្តប៉ៃលិនបានមានប្រសាសន៍ថា៖ លោក chaimongkol sukoltamat និងគណៈប្រតិភូ ដែលបានអញ្ជើញមកខេត្តប៉ៃលិននាពេលនេះ គឺដើម្បីពិភាក្សាការងារជាមួយថ្នាក់ដឹកនាំខេត្ត ស្តីពីបញ្ហាវិនិយោគការកែច្នៃសំរាមទៅជាប្រព័ន្ធអគ្គីសនី ។ លោកបន្តថា៖មន្ត្រីជំនាញពាក់ព័ន្ធនឹងចុះត្រួតពិនិត្យមើលទីកន្លែង ដើម្បីធ្វើការវិនិយោគអោយសមស្របទៅតាមបទដ្ឋានគតិយុទ្ធ និងបច្ចេកទេស ដោយសហការជាមួយប្រតិភូប្រទេសថៃ ក្នុងការចុះសិក្សាស្វែងយល់ពីការកែច្នៃសំរាមទៅជាថាមពលអគ្គីសនី ដែលអាចផ្តល់ប្រយោជន៍យ៉ាងធំធេងក្នុងកិច្ចការពារបរិស្ថានផង និងបានអគ្គីសនីប្រើប្រាស់គ្រប់គ្រាន់ផង ។
លោកសង្ឃឹមថា៖ តាមរយះគំរោងរបស់ ក្រុមហ៊ុន វិនិយោគនេះ ពិតជាបានពង្រឹង ពង្រីកសាមគ្គីភាព មិត្តភាពនិង កិច្ចសហប្រតិបត្តិការល្អរវាងកម្ពុជា ថៃ កាន់តែរឹងមាំថែមទៀត ៕
អត្ថបទ ទូចសុខន