កំពង់ចាម ៖ ល្បែង ស៊ីសងជល់មានមួយកន្លែងបើកលេងសម្រាប់បុណ្យភ្ជុំខាងមុខ ឋិតនៅចំណុចដីចម្ការស្វាយ ខាងក្រោយវត្ត កងតាណឹង ប្រហែល ២គីឡូម៉ែត្រ ក្នុងភូមិទី៥ ឃុំកងតាណឹង ស្រុកកងមាស ខេត្តកំពង់ចាម។
ពលរដ្ឋក្បែរខាងបានឱ្យដឹងថា៖ ម្ចាស់សង្វៀនជល់មាន់និងល្បែងឈ្មោះហុក និងឈ្មោះខ្លា បានបើកទទួលក្រុមអ្នក ញៀន ល្បែង មកពីទីជិតទីឆ្ងាយ ឲ្យចូលភ្នាល់ល្បែងស៊ីសង ដោយភ្នាល់មួយគូរៗរាប់ពាន់ដុល្លារ រីឯ អាប៉ោង មួយគ្របៗវិញខ្ទង់ពាន់ដុល្លា ដូចគ្នា។
ប្រភពដដែលបានបន្តទៀតថា ទីតាំងនេះគឺបើកដំណើរការតាំងពីថ្ងៃទី១០ ខែកញ្ញា ឆ្នាំ២០២១មកម្លេះ និង បានធានា សុវត្តិភាព ជូនភ្ញៀវពេញលេញ នឹងគ្មានស្ទាក់ស្ទើបន្តិចសោះ ព្រោះឈ្មោះ ហុក និងឈ្មោះខ្លា បានរត់ការ អស់ហើយ។
