ខេត្តសៀមរាប ៖ ដឹងមុខនិងចាប់បានហើយជនដែលបង្កៃគ្រាប់បែកសម្លាប់អ្នកដាក់ទ្រូនៅស្រុកក្រឡាញ់ខេត្តសៀមរាប។មន្ត្រីនគរបាលព្រហ្មទណ្ឌ នៃស្នងការដ្ឋាននគរបាលខេត្តសៀមរាប បានឲ្យដឹងថា ជនត្រូវចោទរូបនេះ មានឈ្មោះ លន់ ជីន ភេទប្រុស អាយុ ៦៥ ឆ្នាំ មុខរបរ ជាកសិករ រស់នៅ ភូមិត្រាំកង់ ឃុំចន្លាសដៃ ស្រុកក្រឡាញ់ ខេត្តសៀ មរាប។
ជនរងគ្រោះមានឈ្មោះ ឆាវ រ៉ា យ ភេទប្រុស អាយុ ៧៨ ឆ្នាំ មុខរបរកសិករ និង មានមុខរបរមួយទៀត គឺជាគ្រូខ្មែរ រស់នៅភូមិត្រាំកង់ ឃុំចន្លាស់ ស្រុកក្រឡាញ់ ខេត្តសៀមរាប ។ជនត្រូវចោទ ត្រូវបានចាប់ឃាត់ខ្លួនកាលពីថ្ងៃទី ២០ ខែ កញ្ញា ឆ្នាំ ២០២១ វេលាម៉ោង ១១ និង ៣១ នាទីយប់ បន្ទាប់ពីគាត់សម្លាប់ជនរងគ្រោះ ដោយ បង្កៃគ្រាប់បែកបំផ្ទុះឲ្យស្លាប់ នៅហ្នឹងភ្លឺស្រែ ស្ថិតក្នុងភូមិរំដេង ឃុំស្រណាល ដោយរឿងគំនុំ និងបានចោទប្រកាន់ជនរងគ្រោះថា គឺជាគ្រូធ្មប់ និង បានធ្វើអំពើឲ្យប្រពន្ធគាត់ឈឺ កាលពីថ្ងៃទី ១៩ ខែ កញ្ញា។
តំណាងអយ្យការអមសាលាដំបូងខេត្តសៀមរាប នៅថ្ងៃទី ២១ ខែ កញ្ញា ឆ្នាំ ២០២១ បានសម្រេចចោទប្រកាន់ បុរសដែលបានបង្កៃគ្រាប់បែក បំផ្ទុះស.ម្លាប់ បុរសចំណាស់ម្នាក់ ដោយចោទប្រកាន់ថា ជាគ្រូធ្មប់ និង ធ្វើអំពីដាក់ប្រពន្ធគាត់ និង ដែលបានបណ្តាលឲ្យស្លា.ប់យ៉ាងអាណោចអាធ័ម នៅក្នុងវាលស្រែនោះ ពី ” ឃា.ត.កម្មគិតទុកជាមុន” តាមបញ្ញត្តិមាត្រា ២០០ នៃ ក្រមព្រហ្មទណ្ឌ និង អាចប្រឈមមុខនឹងការជាប់គុក អស់មួយជីវិត ប្រសិនបើតុលាការរកឃើញពីពិរុទ្ធភាព។
