ខេត្តសៀមរាប ៖ ប្រជាពលរដ្ឋដែលរស់នៅ និងមានដីធ្លីស្ថិតនៅភូមិចំនួន៨ នៃឃុំកណ្តែក ស្រុកប្រាសាទ គង ខេត្តសៀមរាប បានសំណូមពរដល់ថ្នាក់ដឹកនាំខេត្តសៀមរាប ជួយពន្លឿនក្នុងការប្រកាសបិទ ផ្សាយ ដើម្បីចែកប័ណ្ណម្ចាស់ កម្មសិទ្ធិដីធ្លីស្របច្បាប់ជូនដល់ប្រជាពលរដ្ឋផងព្រោះជិត៣ឆ្នាំហើយ ។
ប្រជាពលរដ្ឋឲ្យដឹងថា ការចុះវាស់វែងពីមន្ត្រី សុរិយោដី ដើម្បីចុះជាបញ្ជីដីធ្លីជាប្រព័ន្ធ (Lmap) គឺឲ្យប្រកាសតាំងពីថ្ងៃទី០៨ ខែតុលា ឆ្នាំ២០១៩ មកតែរហូតដល់ពេលនេះ មានរយះពេលជិត២ឆ្នាំហើយបានចំនួន ៨ភូមិ ក្នុងនោះមាន ១-ភូមិគោកត្នោត ២-ភូមិល្អក់ ៣-ភូមិត្រាង ៤-ភូមិស្ពានក្អែក ៥-ភូមិអូរ ៦-ភូមិច្រេស ៧-ភូមិឃុនមោឃ ៨-ភូមិត្រពាំងទឹមស្ថិតនៅក្នុងបរិវេណសាលា ឃុំកណ្តែក ។
នេះបើតាមសេចក្តីជូនដំណឹងរបស់រដ្ឋបាលខេត្តសៀមរាប លេខ១២៦៨/១៩ សជណ ចុះថ្ងៃទី០២ ខែតុលា ឆ្នាំ២០១៩ ស្តីពីកិច្ចប្រជុំផ្សព្វផ្សាយសេចក្តីសម្រេចកំណត់តំបន់ធ្វើការ វិនិច្ឆ័យ ដែលមានលក្ខណៈជាប្រព័ន្ធបានជម្រាបជូនដល់សាធារណជន គ្រប់មន្ទីរអង្គភាព ជំនាញស្ថាប័ន ឬភ្នាក់ងារហិរញ្ញវត្ថុ ដែលមានការពាក់ព័ន្ធនឹងក្បាលដីទាំងអស់ស្ថិត នៅក្នុងតំបន់ វិនិច្ឆ័យ ភូមិគោកត្នោត និងភូមិល្អក់ ឃុំកណ្តែក ស្រុកប្រាសាទបាគង ខេត្តសៀមរាប ឲ្យបានជ្រាប។
ប្រជាពលរដ្ឋរស់នៅក្នុងភូមិទាំង០៨ ស្ថិតនៅឃុំសណ្ដែក ស្រុកប្រាសាទបាគង ខេត្តសៀមរាប មានចម្ងល់ថា ហេតុអ្វីបានជាប្រព័ន្ធ Lmap ចុះរយៈពេល២ឆ្នាំហហើយ មិនមានការបិទផ្សាយ ដើម្បីចែកប័ណ្ណ ដល់ប្រជាពលរដ្ឋ ដែលជាម្ចាស់កម្មសិទ្ធិស្របច្បាប់ ក្នុងការលក់ដូរ ឬដាក់បញ្ចាំ ធនាគារ ដែលមានការប្រាក់ទាប ដើម្បីយកប្រាក់មករកស៊ី និង និងដោះស្រាយបញ្ហាជីវភាព ដែល ប៉ះពាល់ធ្ងន់ធ្ងរដោយ ជម្ងឺ Covid-19កំពុងរីករាលដាល ។
តាមប្រភពព័ត៌មានពីមន្ត្រីជំណាញ បានបង្ហើបឲ្យដឹងថា ការយឺតយ៉ាវក្នុងការប្រកាសបិទផ្សាយនេះ គឺមកពីមានមន្ត្រីសាលាខេត្តម្នាក់ ឈ្មោះ អ៊ឹង សោភ័ណ្ឌ មានតួនាទីជានាយកទីចាត់ការ អន្តរវិស័យ តែងតែលូកដៃចូល បង្អាក់ លើកិច្ចការជំនាញរបស់ មន្ត្រីសុរិយោដី ទើប មានការ យឺតយ៉ាវ ក្នុងការបិទផ្សាយ ដើម្បីចែកប័ណ្ណជូនដល់បងប្អូនប្រជាពលរដ្ឋ ទាំង៨ភូមិបែបនេះ។
បងប្អូនប្រជាពលរដ្ឋ និយាយថាលោក អ៊ឹង សោភ័ណ្ឌ កន្លងមក នៅក្នុងអង្គប្រជុំម្តងៗគាត់តែងលើកឡើងតែផលអវិជ្ជមាន ជំទាស់គ្រប់ច្រកធ្វើឲ្យ អង្គប្រជុំប្រើរយៈពេលវែង ដំណើរការទៅមុខមិនកើត មិនសំរេចលទ្ធផល ផ្លែផ្តាអ្វី មិនមានឆន្ទៈចូលរួមពន្លឿនការងារចុះបញ្ជីដីធ្លីរបស់ប្រជាពលរដ្ឋឲ្យ ដំណើរការបានរលូន ចូលរួមអភិវឌ្ឍន៍ស្ថាបនាជាតិ ក្នុងនាមខ្លួនជាមន្ត្រីរាជការសារធារណៈ ចូលរួមលើកស្ទួយជំរុញ ការងារ ទិសដៅគោលនយោយបាយរបស់ រាជរដ្ឋាភិបាលឡើយ។
ក្រៅពីនេះមានព័ត៌មានលេចលឺថា លោកនាយកទីចាត់ការរូបនោះដើរកាងសំណង់អត់ច្បាប់ឲ្យដំណើរការសាងសង់យ៉ាងរលូន ចំណែកសំណង់មាន ច្បាប់ ពីសុរិយោដីហើយ ក៏មិនអាចសាងសង់បានដែរ បើពុំមានការឯកភាពពីលោក អ៊ឹង សោភ័ណ្ឌ? ។ ពាក់ព័ន្ធបញ្ហា រិះគន់របស់ប្រជាពលរដ្ឋខាងលើអ្នកព័ត៌មានយើង មិនអាចសុំការបញ្ជាក់ពី ឈ្មោះ អ៊ឹង សោភ័ណ្ឌ ជានាយកទីចាត់ការអន្តរវិស័យ បាននៅឡើយទេ ។សង្ឃឹមថានឹងមានការបកស្រាយពន្យលពីការយឺតយ៉ាវនេះជាមិនខាន!៕