ភ្នំពេញ៖ យោងតាមរបាយការណ៍ពីអគ្គនាយកដ្ឋានការពារអ្នកប្រើប្រាស កិច្ចការប្រកួតប្រជែង និងបង្ក្រាបការក្លែងបន្លំ បានឱ្យដឹងថា មន្ត្រីជំនាញនៅខេត្តចំនួន ៤ បានរកឃើញស្ថានីយ/ដេប៉ូប្រេងឥន្ធនៈចំនួន ១៦ទីតាំងទៀត បានលក់សាំងមិនគ្រប់លីត្រ។
អគ្គនាយកដ្ឋាន បានឱ្យដឹងថា មន្ត្រីស៊ើបអង្កេតនៃសាខា ក.ប.ប. ខេត្តឧត្តរមានជ័យ ខេត្តស្វាយរៀង ខេត្តកំពង់ធំ និងខេត្តសៀមរាប នៅថ្ងៃទី១៤-១៥ ខែកញ្ញា ឆ្នាំ២០២១ បានចុះត្រួតពិនិត្យតាមបណ្តាស្ថានីយ/ដេប៉ូប្រេងឥន្ធនៈ ដោយបានរកឃើញភាពមិនអនុលោមនៅក្នុងស្ថានីយ/ដេប៉ូសរុបចំនួន ១៦ទីតាំង ក្នុងនោះរួមមាន៖១) ៥ស្ថានីយ/ដេប៉ូ ស្ថិតក្នុងស្រុកចុងកាល់ និងក្រុងសំរោង ខេត្តឧត្តរមានជ័យ។២) ៥ស្ថានីយ/ដេប៉ូ ស្ថិតក្នុងស្រុកចន្ទ្រា និងស្រុកកំពង់រោទិ៍ ខេត្តស្វាយរៀង។៣) ៣ស្ថានីយ/ដេប៉ូ ស្ថិតក្នុងស្រុកសន្ទុក និងក្រុងស្ទឹងសែន ខេត្តកំពង់ធំ។៤) ៣ស្ថានីយ/ដេប៉ូ ស្ថិតក្នុងក្រុងសៀមរាប ខេត្តសៀមរាប។
បើតាមអគ្គនាយកដ្ឋាន បញ្ជាក់ថា ម្ចាស់ស្ថានីយ/ដេប៉ូប្រេងឥន្ធនៈ និងអាជីវករខាងលើ ដែលបានប្រព្រឹត្តល្មើសនឹងច្បាប់ស្តីពីកិច្ចការពារអ្នកប្រើប្រាស់ ត្រូវបានមន្ត្រីជំនាញចាត់វិធានការតាមច្បាប់ជាធរមាន៕
