ខេត្តព្រៃវែង ៖ ករណីគ្រោះថ្នាក់នេះកើតឡើង កាលពីវេលាម៉ោង១៩ និង១៥នាទី ថ្ងៃទី២៦ ខែសីហា ឆ្នាំ២០១៦ នៅចំណុចផ្លូវលេខ៣១០ ស្ថិតក្នុងភូមិអ្នកលឿ ឃុំអ្នកលឿង ស្រុកពាមរ រវាងរថយន្តហាយលេនឌឺ ពណ៌ទឹកប្រាក់ពាក់ស្លាកលេខភ្នំពេញ 2C 5036 និងម៉ូតូហុងដាC125 ពណ៌ខ្មៅ ពាក់ស្លាក់លេខ កណ្តាល 1Q5136 បញ្ច្រស់ទិសគ្នា។
សាក្សីនៅកន្លែងកើតហេតុ បានឲ្យដឹងថា គ្រោះថ្នាក់នេះបង្កឡើងដោយរថយន្ត ម៉ាកហាយលេនឌឺ បើកបរមកពីទិសខាងជើង ទៅទិសខាងត្បូង ក្នុងល្បឿនលឿន ចំណែកម៉ូតូបើកបរ ដោយឈ្មោះ ហែម ឆៃរ៉ាត់ ភេទប្រុសអាយុ១៨ឆ្នាំ ជនជាតិខ្មែរជាសិស្ស នៅភូមិឧមត្ត ឃុំព្រែកក្របៅ ស្រុកពាមជរ ខេត្តព្រៃវែង ស្លាប់បើកមកពីទិសខាងត្បូងទៅទិសខាងជើង និងអ្នកជិះពីក្រោយឈ្មោះ ជួប វ៉ាន់ឌី ភេទប្រុសអាយុ១៧ឆ្នាំ ជនជាតិខ្មែរ នៅភូមិឃុំជាមួយគ្នាក៏ស្លាប់ដែរ ។
ជនបង្កបានរត់គេចខ្លួនបាត់ បន្សល់ទុករថយន្ត នៅកន្លែងកើតហេតុ ក្រោយកើតហេតុ រថយន្ត និងម៉ូតូ របស់ជនរងគ្រោះ ត្រូវបានសមត្ថកិច្ចយកទៅរក្សាទុក ដើម្បីរង់ចាំការដោះស្រាយតាមនីតិវិធីច្បាប់ រីឯសាកសព ប្រគល់ឲ្យទៅក្រុមគ្រួសារ យកទៅធ្វើបុណ្យតាមប្រពៃណី ៕