ខេត្តកណ្ដាល ៖ នៅព្រឹកថ្ងៃទី២៤ ខែសីហា ឆ្នាំ២០១៦ តាមប្រភពពីប្រជាពលរដ្ឋដែលដឹងហេតុការណ៍នេះ បានប្រាប់អ្នកយកពត៌មានយើងដឹងថា មានប្រជាពលរដ្ឋប្រមាណជិត២០០នាក់ និងបានលើកគ្នាមកតវ៉ានៅមុខទីបញ្ជាការកងរាជអាវុធហត្ថ ស្រុកខ្សាច់កណ្ដាល ដោយចោទប្រកាន់ មកលើលោក ថេង មករា មេប៉េអឹមស្រុកថា ប្រើអំណាចចាប់មនុស្ស ដោយមិនមានដីកាចាប់ខ្លួន ទាំងដែលគ្នាមិនបានប្រព្រឹត្តខុសអ្វីសោះ ជាហេតុបណ្ដាលឲ្យពលរដ្ឋផ្ទុះកំហឹងយ៉ាងខ្លាំង មកលើមន្ត្រីអាវុធហត្ថ ដែលចាប់មនុស្សស្លូតត្រង់ ។
ពលរដ្ឋម្នាក់ ដែលមានឈ្មោះសុខ ស្រីនាង អាយុ២៣ឆ្នាំ មានទីលំនៅភូមិព្រែកល្វា ឃុំព្រែកតាកូវ ស្រុកខ្សាច់កណ្ដាល ខេត្តកណ្ដាល បានអះអាងថា ពួកគាត់ទាំងអស់គ្នា គឺមកពីភូមិព្រែកល្វា ព្រោះអាណិតអ្នក ដែលមិនមានកំហុស ត្រូវបានប៉េអឹម ស្រុកខ្សាច់កណ្ដាល អសមត្ថភាព អាងអំណាច ចាប់គេទាំងមិនមានកំហុស។ ដោយពួកគាត់មកនេះ គឺទាមទាឲ្យ ប៉េអឹម ដោះលែង ឈ្មោះ សុខ សុផាន់ណាត ភេទប្រុសអាយុ25ឆ្នាំ ទាំងអយុត្តិធម៌ ។ គាត់បន្តទៀតថា ដើមចមដំបូងគឺ បងរបស់លោក ទិត វិច្ឆិកា តារាចំរៀង បានបើកឡានបុកគេ កាលពីម៉ោង៧យប់ថ្ងៃទី ១៩ ខែសីហា ឆ្នាំ២០១៦កន្លងទៅថ្មីៗនេះ នៅភូមិឃុំខាងលើ ហើយសាម៉ីខ្លួនបានបើកឡានរត់គេចជាច្រើនម៉ែត ខណៈនោះពលរដ្ឋជាច្រើននាក់តាមស្ទាក់ ក៏មានកំហឹង ភ្លាមៗនោះបានវាយម្នាក់មួយដៃ បណ្ដាលឲ្យរងរបួស បែកមាត់ លុះដល់ថ្ងៃទី២៣ ខែសីហា ឆ្នាំ២០១៦ នៅម៉ោង១០ព្រឹកស្រាប់តែPM ស្រុកហៅជនរងគ្រោះឈ្មោះ សុខ សុផាន់ណាត ចេញពីផ្ទះ ហើយចាប់ដាក់ឡានយកមកស្នាក់ការតែម្ដង ដោយមិនមានការស៊ើបសួរអ្វីទាំងអស់ ធ្វើឲ្យពលរដ្ឋមានកំហឹងយ៉ាងខ្លាំង។
លោក តា រាំង ដែលមកចូលរួមតវ៉ាបានអះអាងថា ឈ្មោះ ផាន់ណាត មិនបានវាយគេទេ គាត់ជានាក់ថតរូប pos តើមានដៃឯណា មកវាយគេទៅអយុត្តិធម៌ណាស់។ ឆ្លើយតបនិងការចោទប្រកាន់នេះ លោក ទិត វិច្ឆិកា បានអះអាងថា គាត់មករកយុត្តិធម៌ឲ្យបងគាត់ រឿងគ្រោះថ្នាក់ចរាចរណ៍ផ្សេង រឿងវាយបងគាត់ផ្សេង។
ដោយឡែកលោក ថេង មករា មេអាវុធហត្ថ ស្រុកបានឲ្យដឹងថា លោកឃាត់តាមការចង្អុលបង្ហាញ ពីជនរងគ្រោះ តែលោកមិនបានបញ្ជាក់ថា ការឃាត់មនុស្សជិត ២ ថ្ងៃនេះ មានដីកាឬអត់នោះទេ ឯសាក្សីក៏អត់មានដែរ។
លោក ទូច អ៊ីណាន អ្នកនាំពាក្យអាវុធហត្ថខេត្ត បានឲ្យដឹងថា ការឃាត់នេះ គឺដើម្បីសួរនាំទេ បើមិនមាន ជាប់ពាក់ពន្ធ័ និងដោះលែញវិញហើយ គឺបានឆ្លងយោបល់ព្រះរាជអាជ្ញាផងដែរ ។ តែយ៉ាងណា ពលរដ្ឋបាន អស់សង្ឃឹមមកលើប៉េអឹមស្រុក ដែលអសម្ថភាពចាប់មនុស្សខុស ថ្នាក់លើគួរតែរកអ្នក ដែលមានសមត្ថភាព មកធ្វើការបំរើពលរដ្ឋវិញទើបប្រសើរ។
ដោយសារពួកគាត់ឃើញភាពអយុត្តិធម៌បែបនេះហើយ ទើបនាំគ្នាមកតវ៉ាចុះ បើពួកគាត់មិនមកតវ៉ាវិញ គ្នាមិនជាប់គុក ដោយសាចាប់មនុស្សខុស ហើយពលរដ្ឋសូមឲ្យឯកឧត្ដម សៅ សុខា មេបញ្ជាការកងរាជអាវុធហត្ថលើផ្ទៃប្រទេស មេត្តាដុះក្អែលកូនចៅផង មិនខ្វះទេ មនុស្សដែលមានសម្ថភាពធ្វើការ ៕