ភ្នំពេញ៖ លោក ឃួង ស្រេង អភិបាលរាជធានីភ្នំពេញ បន្ដទទួលអំណោយសប្បុរស់ធម៏ ពីសប្បុរស់ជនជាសម្ភារៈ ខ្ញីទឹកឃ្មុំ និងបន្លែផ្លែឈើជាច្រើនកេសជូនរដ្ឋបាលរាជធានី ដើម្បីចូលរួមទប់ស្កាត់ការរីករាល ដាលនៃ ជំងឺកូវីដ-១៩ ។ សប្បុរស់ជន ក្រុមហ៊ុនឯកជន នោះគឺក្រុមហ៊ុន KINO Care Cambodia និង ក្រុមហ៊ុនលីលីហ្វូត អុិនដាសទ្រី ខូអិលធីឌី បាននាំយកមកផ្ដល់ជូន នាព្រឹកថ្ងៃទី១៨. មេសា. ឆ្នាំ២០២១ មានជាសម្ភារៈ ខ្ញីទឹកឃ្មុំចំនួន ១០កេស និងបន្លែផ្លែឈើក្រៀុម ចំនួន៥០ កេសជូនរដ្ឋបាលរាជធានីភ្នំពេញ ដើម្បីចូលរួមទប់ស្កាត់ការរីករាលដាលនៃ ជំងឺកូវីដ-១៩ ខណៈ ជម្ងឺនេះ កំពុងឆ្លងយ៉ាងខ្លាំងនៅរាជធានីភ្នំពេញ និងតាមបណ្តាខេត្តមួយចំនួន។
ក្នុងឱកាសនោះ លោកឃួង ស្រេង អភិបាលរាជធានីភ្នំពេញ ក៏ បានថ្លែងអំណរ គុណ ចំពោះ ក្រុមហ៊ុន ដែលបានចូលរួមចំណែកបានទាន់ពេលវេលា តាមការអំពាវនាវរបស់សម្តេចអគ្គមហាសេ នាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីទទួលបានអំណោយ យក ទៅចែកជូនបងប្អូនប្រជាពលរដ្ឋយើងដែលកំពុងជាប់ធ្វើចត្តាឡីសក័ តាមមូលដ្ឋាន និងតាមលំនៅ ដ្ឋានជាច្រើនគោលដៅក្នុងរាជធានីភ្នំពេញ ដែលត្រូវការជំនួយឧបត្ថម្ភជាចាំបាច់។
កាយវិការរបស់សប្បុរស់ជនក្នុងពេលនេះ ពិតជាបានរួមចំណែកដោះ ស្រាយការលំបាករបស់បងប្អូនប្រជាពលរដ្ឋដែលកំពុងជាប់ធ្វើចត្តាឡីសក័ នៅ រាជធានីភ្នំពេញ ៕
