ភ្នំពេញ៖ លោក ឃួង ស្រេង បន្ដទទួល អំណោយសប្បុរសធម៏ ពីសប្បុរសជន មានអង្ករ១ តោន និងមី២០០កេស ជូនដល់រដ្ឋបាលរាជធានីភ្នំពេញ ចូលរួមមនុស្សធម៏ក្នុងព្រឹត្ដិការណ៏សហគមន៏២០កុម្ភៈ បាន នាំយកអំណោយមួយចំនួនមានអង្ករមួយតោន និងមីចំនួន ២០០កេស មកប្រគល់ ជូនរដ្ឋបាលរាជធានីភ្នំពេញក្នុងគោលបំណងចូលរួមទប់ស្កាត់ការរីករាលដាលនៃ ជំងឺកូវីដ.១៩ដែលកំពុងឆ្លងយ៉ាងខ្លាំងនៅរាជធានីភ្នំពេញ និងតាមបណ្តាខេត្តមួយចំនួនទៀតផងដែរ។ ពិធីទទួល អំណោយសប្បុរសធម៏នេះ បាន ប្រព្រឹត្ដទៅនៅថ្ងៃទី ១៣ មេសា ឆ្នាំ២០២១ នៅរដ្ឋបាលរាជធានីភ្នំពេញ ។
ក្នុងឱ្យកាសទទួលអំណោយនោះលោក ឃួង ស្រេង អភិបាលរាជធានីភ្នំពេញ. បានថ្លែងអំណរគុណ ដល់សប្បុរសជនលោកគឹម លីនិងលោកស្រីសំ ឡាង ដែលជាម្ចាស់អំណោយ ដែលបានចូលរួមចំណែកបានទាន់ពេល វេលាតាមការអំពាវនាវរបស់សម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ក៏ដូចការអំពាវនាវរបស់ លោក ឃួង ស្រេង អភិបាលរាជធានីភ្នំពេញ ដើម្បីទទួលបានអំ ណោយយក ទៅចែកជូនបងប្អូនប្រជាពលរដ្ឋយើង ដែលកំពុងជាប់ធ្វើចត្តាឡីសក័ តាមមូលដ្ឋាន និងតាមលំនៅដ្ឋានជាច្រើនគោលដៅក្នុងរាជ ធានីភ្នំពេញដែលត្រូវការជំនួយ ឧបត្ថម្ភជាចាំបាច់។កាយវិការរបស់លោកលោកស្រីពិតជាបានរួម ចំណែកដោះ ស្រាយការលំបាករបស់បងប្អូនប្រជាពលរដ្ឋដែលកំពុងជាប់ធ្វើចត្តាឡីសក័តាម លំនៅដ្ឋានក៏ដូចតាមមណ្ឌលសុខភាពក្នុងរាជធានីភ្នំពេញផងដែរ។
សូមបញ្ជាក់ថា៖ តាមការប្រកាសរបស់ក្រសួងសុខាភិបាលឲ្យដឹងថាថ្ងៃនេះក្រសួងបានរកឃើញអ្នកផ្ទុកជំងឺកូវីដ- ១៩ ថី្មចំនួន១៨១នាក់ដែលភាគច្រើនបំផុតអ្នក រស់នៅរាជធានីភ្នំពេញ ខណៈអ្នកជំងឺកូវិដ-១៩ ចំនួនចំនួន៤០នាក់បានជាសះស្បើយ និងអនុញ្ញាតិឲ្យចេញពីមន្ទីរពេទ្យហើយ និងមានអ្នកស្លាប់ចំនួន៣៣ នាក់ ហើយដែរ ៕
