ភ្នំពេញ ៖ បងប្អូនអាជីវករ លក់តាមកញ្ច្រែងល្អី នៅផ្សារអូឡាំពិក កម្មករស៊ីនទ្រីសំអាតផ្សារ អ្នករត់រីម៉កកង់បី ម៉ូតូឌុប ចំនួន៧៣នាក់ ដែលមានជីវភាពខ្វះខាត ក្នុងគ្រួសារ និងកំពុងជួប វិបត្ដិកូវិដ-១៩ផងនោះត្រូវបានគណៈកម្មការផ្សារផ្សារអូឡាំពិក នាំដោយអង្ករ របស់សម្តេតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈ ឯកឧត្ដម ឃួង ស្រេង អភិបាលរាជធានីភ្នំពេញ យកទៅប្រគល់ជូន ដើម្បីរំលែកការលំបាក ខណៈជម្ងឺកូវីដ-១៩កំពុងរីករាលដាលនៅក្នុងរាជធានីភ្នំពេញ នៅច្រើននៅឡើយ ។
ពិធីផ្ដល់អំណោយនេះបានធ្វើឡើងនៅថ្ងៃទី៣០ មីនានេះ នៅផ្សារអូឡាំពិកដោយ ក្នុងមួយគ្រួសារទទួលបានអង្ករ១បេ។
លោកឡយ ស៊ាងអាង ប្រធានគណៈក ម្មការផ្សារអូឡាំពិក បានមានប្រសាសន៍ថា៖ អំណោយដែលចែកជូនខាងលើនេះជាអំណោយដ៍ថ្លៃថ្លា របស់សម្តេតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈ ឯកឧត្ដម ឃួង ស្រេង អភិបាលរាជធានីភ្នំពេញ ដើម្បីឱ្យគណៈ កម្មការផ្សារអូឡាំពិក យកមកចែកជូនផ្ទាល់ដល់បងប្អូនអាជីវករនិងកម្មករអនាម័យ អ្នករត់កងបី រត់ម៉ូតូឌុបដែលមានជីវភាពខ្វះខាតនិងទីទ័លក្រ ក្នុងតំណាក់កាលនៃជម្ងឺកូវីដ-១៩ កំពុងរីករាលដាលនៅក្នុងរាជធានីភ្នំពេញនេះ។
លោកឡយ ស៊ាងអាង បានមានប្រសាសន៍ទៀតថា ៖សម្តេចអគ្គមហាសេនាបតីតេជោ ហ៊ុន សែន និងសម្តេចគតិព្រឹទ្ធបណ្ឌិតប៊ុនរ៉ានីហ៊ុន សែន យកចិត្តទុកដាក់ខ្លាំងណាស់ ចំពោះបងប្អូនប្រជាពលរដ្ឋ ក្រីក្រជួបការលំបាល។ ជាក់ស្តែងសម្រាប់ពេលនេះដោយឃើញបងប្អូនប្រជាពលរដ្ឋមានការលំបាកក្នុងជីវភាព ខណៈផ្ទុះឡើងនូវការរីករាលដាលជំងឺកូវី-១៩ ក្នុងព្រឹត្តិការណ៍សហគមន៍ ២០នេះ សម្តេចតាមរយៈ ឯកឧត្ដម ឃួង ស្រេង ក៏បានផ្តល់ជូនពួកគាត់ភ្លាមតែម្តង។
ពាក់ព័ន្ធនឹងព្រឹត្តិការណ៍សហគមន៍២០ កុម្ភៈនេះលោកឡយ ស៊ាងអាង បានបញ្ជាក់ថា ៖អនុវត្តតាមការណែនាំរបស់ ឯកឧត្ដម ឃួង ស្រេង អភិបាលរាជធានីភ្នំពេញ ក្នុងព្រឹត្តិការណ៍សហគមន៍២០ កុម្ភៈនេះ គណៈកម្មការផ្សារអូឡាំពិក បានអនុវត្តនូវវិធានការជាច្រើន ដើម្បីបង្ការទប់ស្កាត់នូវការរីករាលដាលនៃជំងឺកូវីដ-១៩ ដូចជា ការបាញ់ថ្នាំសម្លាប់មេរោគនៅគ្រប់ជាន់និងជុំវិញផ្សារដាក់អាកុលលាងដៃ រក្សាគម្លាតសុវត្ថិភាព ឲ្យបងប្អូនប្រជាពល រដ្ឋ អាជីវករពាក់ម៉ាស់ឲ្យបានគ្រប់គ្នា ជាមួយ នឹងការដាក់ឱ្យប្រើប្រាស់ប្រព័ន្ធ QR Code “ទប់ស្កាត់ដូវីដ StopCovid នៅតាមច្រកសំខាន់ៗផងដែរ ។
លោកក៏បានសូមឱ្យបងប្អូនប្រជាពលរដ្ឋទាំងអស់ រួមគ្នា ទប់ស្កាត់ឲ្យបាននូវការរីករាល ដាលជំងឺកូវីដ-១៩ក្នុងព្រឹត្តការណ៍សហគមន៍ ២០កុម្ភៈ ដោយអនុវត្តនូវវីធាន ៣កុំនិង៣ ការពារ ៕
