ភ្នំពេញ៖ ឯកឧត្ដម ឃួង ស្រេង អភិបាលរាជធានី ភ្នំពេញ ដាក់ចេញ នូវវិធានការថ្មី ក្នុងរយៈពេលពីរសប្តាហ៍ ដោយ គិត ចាប់តាំងពី ថ្ងៃទី០១ ខែមេសា ឆ្នាំ២០២១ រហូតដល់ថ្ងៃទី ១៤ ខែមេសា ឆ្នាំ២០២១ ដោយការអនុវត្ត នូវវិធានការរដ្ឋបាល ជាបណ្ដោះអាសន្ន ដូចជាការ បិទ ហាង ហូបចុកភោជនីយដ្ឋាន និងការបិទការធ្វើ ចរាចរណ៍ ចាប់ពីម៉ោង៨យប់ ដល់ម៉ោង ៥ភ្លឺ ជាដើម ដើម្បីទប់ស្កាត់ការរីករាលដាល ជំងឺកូវីដ-១៩ នៅក្នុង រាជធានី ភ្នំពេញ ។
ក្នុងកិច្ចប្រជុំតាមរយៈវីដេអូខុនហ្វើរិន ឯកឧត្ដម ឃួង ស្រេង បានធ្វើ ការណែនាំ អោយ អាជ្ញាធរ ខណ្ឌទាំង១៤ ដូចជាកម្លាំង សមត្ថកិច្ចត្រូវចុះល្បាតជាប្រចាំនៅតាម មូលដ្ឋាន របស់ខ្លួន ដើម្បី ពង្រឹង នូវ វិធានការ ទប់ស្កាត់ នៅ ជំងឺ-១៩ ទៅតាម វិធានការរបស់ ក្រសួងសុខាភិបាល ពិសេស អនុវត្តវិធានការ ៣ កុំ និង៣ការពារ ដោយតម្រូវ ឲ្យពួកគាត់ ពាក់ ម៉ាស និង គម្លាតរក្សាសុវត្ថិភាពនៅតាម ទីសាធារណៈ ដើម្បី បង្ការ និង ទប់ស្កាត់ អោយបាននូវជំងឺកូវីដ -១៩នេះ ។
ការណែនាំបែបនេះរបស់ ឯកឧត្ដម អភិបាល រាជធានី ភ្នំពេញ បានធ្វើឡើងនៅព្រឹកថ្ងៃទី០១ខែមេសា ឆ្នាំ២០២១ ក្នុងកិច្ចប្រជុំ គណៈបញ្ជាការឯកភាព រាជធានី ភ្នំពេញ តាមរយៈ វីដេអូខុនហ្វើរិន (video confere nce ) នៅសាលា រាជធានី ភ្នំពេញ ដើម្បី ពង្រឹង លើ បញ្ហា សន្តិសុខ ការបង្ការ ទប់ស្កាត់ នូវ ការរីករាលដាលនៃ ជំងឺកូវីដ ១៩ និង ការពង្រឹង ការងារនៅតាម មណ្ឌលចត្តាឡីស័កនានា នៅទូទាំងរាជធានីភ្នំពេញ ។
លោក ម៉េត មាសភក្តី អ្នកនាំពាក្យ រដ្ឋបាល រាជធានី ភ្នំពេញ បានឱ្យដឹងថាៈ ក្នុង កិច្ចប្រជុំ នោះឯកឧត្ដម ឃួង ស្រេង បានមានប្រសាសន៍ ណែនាំ ទៅដល់ អាជ្ញាធរខណ្ឌទាំង១៤ ក៏ដូចជាកម្លាំង មាន សមត្ថកិច្ច មន្ទីរ ពាក់ព័ន្ធ ទាំងអស់ ត្រូវចុះពិនិត្យមើល ស្ថានភាព ជាក់ស្តែង នៅតាម មណ្ឌលចត្តាឡីស័កនានា នៅ ទូទាំង រាជធានី ភ្នំពេញ ដោយ លោក អភិបាលបានណែនាំឲ្យ លោក មេភូមិ ចៅសង្កាត់ អភិបាលខណ្ឌ ចុះ ពិនិត្យមើ លស្ថានភាពជីវភាពបងប្អូន ប្រជាពលរដ្ឋ ដែល បាន នឹង កំពុងធ្វើចត្តាឡីស័កថា តើ ពួកគាត់ មានការ ខ្វះខាត ឬ តម្រូវការ អ្វី ។ ក្នុងនាម អាជ្ញាធរ ត្រូវ ជួយ ដោះស្រាយ ជូន ពួកគាត់ ភ្លាមៗ ដើម្បី ធានាថា ពួកគាត់ មិនមាន បញ្ហា ខ្វះខាតក្នុងជីវភាព ក្នុងអំឡុងពេល នៃការធ្វើ ចត្តាឡីស័កនោះទេ ។
ក្នុងឱកាស នៃ កិច្ចប្រជុំ នោះដែរ លោក ឃួង ស្រេង ក៏បានធ្វើការណែនាំដល់អាជ្ញាធរ និង កម្លាំង សមត្ថកិច្ច ពាក់ព័ន្ធទាំងអស់ត្រូវចុះ ពិនិត្យ និង តាមដាន មើល ទីតាំង ដែល បាន បិទបណ្ដោះអាសន្ន ដូចជាហាងអ៊ីនធឺណិត កាហ្វេ ក្លិប ហាត់ប្រាណ ក្លិប ម៉ាស្សា ខារ៉ាអូខេ និងខេធី វីជាដើម ដើម្បី ធ្វើយ៉ាងណា កុំឲ្យតាំង ពីនេះលួចបើកខុសពី ការណែនាំ របស់សាលារាជធានី ភ្នំពេញ ក្នុងន័យ ចូលរួម ទប់ស្កាត់ នូវ ជំងឺកូវីដ-១៩ ដោយសារតែ ទីតាំង ទាំង ប៉ុន្មាន ខាងលើនេះ គឺជា ទីតាំង ដែលមាន ហានិភ័យ ខ្ពស់ នៃ ការរីករាលដាល នៃជំងឺកូវីដ-១៩ ដែលយើង ត្រូវតែយកចិត្តទុកដាក់ចូលរួមទប់ស្កាត់ទាំងអស់គ្នា ៕
