ភ្នំពេញ៖ រដ្ឋបាលរាជធានីភ្នំពេញ បន្ដទទួលអំណោយ ពីសប្បុរសជន ជាម៉ាសចំនួន៣០ម៉ឺនម៉ាស ដើម្បីចូលរួមទប់ស្កាត់ជំងឺកូវិដ-១៩មកំពុងរីករាលដាល ចូលសហគមន៏ ។ ដើម្បីរួមចំណែកក្នុងព្រឹត្ដការណ៏សហគមន៏២០កុម្ភៈ ការបង្ការនិងទប់ស្កាត់ជំងឺកូវីដ–១៩ ។
ពិធីប្រគល់និងទទួលខាងលើនេះបានធ្វើឡើងនាព្រឹកថ្ងៃទី២២ ខែមិនាឆ្នាំ២០២១នេះ នៅសាលារាជធានីភ្នំពេញក្រោមវត្តមាន លោកកើត ឆែ អភិបាលរងរាជធានីភ្នំពេញ តំណាងអោយលោក ឃួង ស្រេងអភិបាលរាជធានីភ្នំពេញ។
លោកកើត ឆែ បានមានប្រសាសន៍លើឡើងថា នៅពេលនេះរដ្ឋបាលរាជធានីភ្នំពេញពិតជាត្រូវការម៉ាសជាច្រើនដើម្បីប្រគល់ជូនទៅបងប្អូនប្រជាពលរដ្ឋដែលបាននិងកំពុងធ្វើចក្តាឡីស័ក ហើយការទទួលបានម៉ាសចំនួន៣០ម៉ឺនម៉ាសនេះ ពិតជាអាចកាត់បន្ថយបាននូវការខ្វះខាតមួយចំនួនផងដែរ ។
ក្នុងឱកាសនោះ លោកកើត ឆែ ក៏បានថ្លែងអំណរ គុណ ចំពោះសប្បុរជន ទាំងអស់ដែលបានចូលរួមបរិច្ចាគនូវទ្រព្យធនរបស់ខ្លួន ដើម្បីចូលរួមជាមួយរាជរដ្ឋាភិបាលក្នុងការបង្ការនិងទប់ស្កាត់ជំងឺកូវីដ–១៩ ក្នុងព្រឹត្តិការណ៍សហគមន៍២០កុម្ភៈនេះ។
សូមបញ្ជាក់ថា៖ ក្រសួងសុខាភិបាល នៅព្រឹកថ្ងៃទី២២ ខែមីនា ឆ្នាំ២០២១នេះ បានប្រកាសបន្តរកឃើញអ្នកឆ្លងកូវីដ–១៩ថ្មី ចំនួន៧៣នាក់ទៀត និងជាសះស្បើយ ១៧នាក់ ។ ក្នុងនោះករណីឆ្លងសហគមន៍ ៧១នាក់(ភ្នំពេញចំនួន២៨នាក់ ខេត្តព្រះសីហនុ ៣២នាក់ កំពង់ធំ ៥នាក់ កណ្ដាល ៣នាក់ សៀមរាប ១នាក់ ព្រៃវែង ១នាក់ និងខេត្តកែប ចំនួន១នាក់) អ្នកដំណើរពីបរទេស ០២នាក់ ។
គិតត្រឹមព្រឹក ថ្ងៃទី២២ ខែមីនា ឆ្នាំ២០២១ មានអ្នកឆ្លងសរុបចំនួន១៧៥៣ នាក់ អ្នកជាសះស្បើយចំនួន ៩៦៧ នាក់ អ្នកកំពុងព្យាបាលចំនួន៧៨១នាក់និងមាន អ្នកស្លាប់ចំនួន០៤ នាក់៕
