ភ្នំពេញ៖ លោក ឃួង ស្រេង រដ្ឋបាលរាជធានីភ្នំពេញ គាំទ្របន្ដកិច្ចសហប្រតិបត្តិការជានិច្ចចំពោះអ្នកវិនិ យោគទាំងផ្នែកសន្ដិសុខសវត្ថភាព និងប្រសិទ្ធភាព ដែលមករកស៊ីនៅកម្ពជា ។ លោក ឃួង ស្រេង អភិ បាលរាជធានីភ្នំពេញ បានសម្ដែងការគាំទ្របែបនេះ ខណៈលោកទទួលជួប លោកផាកហ៊ីងខ្យង់(H.E. Ph.D.Park Heung Kyeong) ឯកអគ្គរដ្ឋទូតវិសាមញ្ញ និងពេញសមត្ថភាពថ្មី នៃស្ថានទូតសាធារណរដ្ឋកូរ៉េ ប្រចាំកម្ពុជាសម្ដែងការគួសម និងពិភាក្សាការងារ នៅសាលារាជធានីភ្នំពេញ ។
លោក ឃួង ស្រេង ក្នុងឱកាសនោះបានមានប្រសាសន៍ថា ប្រទេសកម្ពុជា មានកិច្ចសហប្រតិបត្តិការល្អរវាងប្រទេសទាំងពីរកម្ពុជានិងសាធារណរដ្ឋកូរ៉េ បានធ្វើឲ្យមានការអភិវឌ្ឍរីកចម្រើនរហូតដល់បច្ចុប្បន្ន នេះ ។
លោក អភិបាលរាជធានីភ្នំពេញ ក៏បានលើក ឡើងដែររាជធានីភ្នំពេញមានការអភិវឌ្ឍរីកចម្រើនយ៉ាងឆាប់រហ័សគឺក្រោមការដឹកនាំពីសម្តេចតេជោហ៊ុនសែនដែលជាស្ថាបនិកសន្តិភាពបានធ្វើឲ្យប្រទេសកម្ពុជា រួចផុតពីសង្គ្រាម ហើយនាំមកនូវសន្តិភាពពេញបរិបូរណ៌និងបានអភិវឌ្ឍប្រទេសឲ្យមានការអភិវឌ្ឍរីកចម្រើនរហូតមកដល់ពេលបច្ចុប្បន្ន។
លោកផាកហ៊ីងខ្យង់(H.E. Ph.D.Park Heung Kyeong) អគ្គរដ្ឋទូតសាធារណរដ្ឋកូរ៉េ ក៏បានស្នើសូមអោយ រដ្ឋបាលរាជធានីភ្នំពេញ ជួយគាំទ្រចំពោះក្រុម ហ៊ុនឆ្នៃបំលែងសំរាម ដែលបានធ្វើការសិក្សាជាយូមកហើយនោះធ្វើការវិនិយោគនៅពេលដេញថ្លៃបានច្បាប់អនុញាតិវិនិយោគ ហើយសូមអោយរដ្ឋបាលរាជធានីភ្នំពេញ ចូលរួមសហការផងដែរ។
ក្នុងឱកាសនោះ អភិបាលរាជធានីភ្នំពេញ ក៏បានគាំទ្រសហការ និងជំរុញលើកទឹកចិត្ត ចំពោះការបណ្តាក់ទុនវិនិយោគធ្វើអាជីវកម្ម-សេវាកម្មស្របច្បាប់ គ្រប់ប្រភេទ។ ព្រមទាំងបានបើកទូលាយសម្រាប់ការ វិនិយោគ និងផ្តល់ទំនុកចិត្ត ខ្ពស់ជូនដល់ធុរជន និងសហគ្រិនទាំងអស់ស្របតាមក្របខណ្ឌរបស់ប្រទេសដើម្បីជំរុញវឌ្ឍភាពសង្គម ៕
