ភ្នំពេញ៖ នៅក្នុងលិខិតផ្ញើរជូនគណៈកម្មការជាតិប្រយុទ្ធនឹងជំងឺកូវិដ-១៩នៅថ្ងៃនេះរបស់លោក ឃួង ស្រេង ថា ខ្ញុំបាទ ឃួង ស្រេង អភិបាលរាជធានីភ្នំពេញ ។ សូមគោរពជូន ឯកឧត្តមរដ្ឋមន្ត្រីក្រសួងសុខាភិបាល និងជា ប្រធានគណៈកម្មការអន្តរ ក្រសួង ដើម្បីប្រយុទ្ធនឹងជំងឺកូវីដ១៩ (COVID-19)
ដើម្បីបន្តរួមចំណែកជាមួយរាជរដ្ឋាភិបាលក្នុងការ ប្រយុទ្ធប្រឆាំងនឹងមេរោគកូវីដ១៩(COVID-19) នៅព្រះរាជាណាចក្រកម្ពុជា ខ្ញុំបាទសូមផ្តល់ប្រាក់បៀវត្ស ជាអភិបាលរាជធានីភ្នំពេញចំនួន០៧ខែ ចាប់ពីខែកុម្ភៈ ដល់ខែសីហា ឆ្នាំ២០២១ ជូនគណៈកម្មការជាតិ ប្រយុទ្ធនឹងជំងឺកូវីដ១៩(CoVID-19)។ អាស្រ័យដូចបានគោរពជម្រាបជូនខាងលើ សូមឯកឧត្តមរដ្ឋមន្ត្រី មេត្តាជ្រាប ដោយ សេចក្ដីអនុគ្រោះ។
សូម ឯកឧត្តមរដ្ឋមន្ត្រីក្រសួងសុខាភិបាល មេត្តាទទួលនូវសេចក្តីគោរពដ៏ខ្ពង់ខ្ពស់ពីខ្ញុំ ៕
