ភ្នំពេញ ៖ រដ្ឋបាលរាជធានីភ្នំពេញ គ្រោងទិញរថយន្ត សម្រាប់បូមលូ ចំនួន១៨ គ្រឿង បន្ថែមទៀត ដើម្បី ជំរុញឲ្យ ការស្តារលូ បានលឿន នៅក្នុងរាជធានី ភ្នំពេញ ដំណើរការ ទៅបានរលូនទៅតាមការគ្រោងទុក ដើម្បីឲ្យប្រពន្ធលូទាំងនោះ អាចរំដោះទឹកបាន នា រដូវវស្សា ខាងមុខនេះ ។ នេះបើតាមការបញ្ជាក់ ឱ្យដឹងពីលោក ឃួង ស្រេង អភិបាល រាជធានី ភ្នំពេញ នៅ ថ្ងៃទី ២០ ខែមករា ឆ្នាំ ២០២១ ។
លោក ឃួង ស្រេង បាន មានប្រសាសន៍ លើកឡើងថា ៖ ការស្ដារលូដោយ ដៃមកដល់សម័យជឿនលឿន នេះគឺវាហួសសម័ទៅហើយ ។ ដូច្នេះរដ្ឋបាលរាជធានីភ្នំពេញ នឹង ទិញរថយន្ត សម្រាប់ បូមលូ ចំនួន១៨ គ្រឿងបន្ថែមទៀត ដើម្បីទ្រសភាពការណ៍ នៃ ការស្តារលូ នេះឱ្យបានល្អ លឿនពិសេស យើង ត្រូវធ្វើ ឲ្យបានទាន់ពេល នៅក្នុងរដូវប្រាំងនេះ ។
មានន័យថា ពេលភ្លៀងធ្លាក់មកដល់ប្រព័ន្ធលូយើង អាចហូរបានស្រួលរំដោះការលិចលង់បានទាន់ពេលវេលា តែម្តង ។ លោក ឃួង ស្រេងថា ដោយឡែបើនិយាយពីតម្លៃដែល ត្រូវចំណាយនៃការទិញទៅលើរថយន្ដបូមលូទាំង១៨គ្រឿងនេះ គឺពុំទាន់ដឹងតម្លៃសរុបនៅឡើយនោះទេ ៕