ខេត្តកណ្តាល ៖ មានករណីអគ្គីភ័យឆាបឆេះម៉ូតូ០១គ្រឿង បណ្តាលឲ្យក្មេងស្រីម្នាក់ រងរបួស កាលពីវេលាម៉ោង០៦.១០នាទី ព្រឹក ថ្ងៃទី២៤.០៨.២០១៦ នៅចំណុច ផ្លូវលេខ១០៨ ក្បែររបងពេទ្យជ័យជំនះ ស្ថិតក្នុង ភូមិក្រពើហា សង្កាត់ព្រែកឬស្សីក្រុងតាខ្មៅ ខេត្តកណ្ដាល។
ប្រភពពីកន្លែងកើតហេតុ បានប្រាប់ឱ្យដឹងថា ម្ចាស់ម៉ូតូដែលឆេះនោះមានឈ្មោះ រស់ រដ្ឋារិទ្ឋភេទប្រុសអាយុ៣៥ ឆ្នាំ ទីលំនៅ បច្ចប្បន្ន ភូមិដើមគ សង្កាត់ដើមមៀន ក្រុងតាខ្មៅ ខេត្តកណ្តាល មុខរបរ មន្ត្រីកងរាជ អាវុធហត្ថខេត្តកណ្តាល។
អ្នកបង្កមានឈ្មោះ វ៉ែន តូ ភេទប្រុស អាយុ៣៨ឆ្នាំ ទីលំនៅបច្ចប្បន្នភូមិថ្មីលើ ឃុំព្រះធាតុស្រុកអូរាំឪខេត្តកំពង់ចាម មុខរបរ ជាងម៉ូតូ ។ សរុបសំភារ:ដែលខូចខាតមាន : ម៉ូតូ០១គ្រឿងម៉ាក R S X សេរីឆ្នាំ២០១៥ ផ្លាកលេខ កណ្តាល 1 P-1771។
ប្រភពដដែលបន្តទៀតថា នៅវេលាថ្ងៃខែឆ្នាំកើតហេតុខាងលើជនរងគ្រោះ បានយកម៉ូតូ ទៅប៉ះ ខណៈកំពុងតែប៉ះប្រពន្ធ អ្នកបង្ក បានយកការដុងសាំង មកចាក់ក្នុងដប ដើម្បីលក់ ស្រាប់តែពេលកំពុង ចាក់សាំង បានហៀរមកក្រៅ ក៏បានឆាបឆេះម៉ូតូតែម្តង និងបណ្តោយឲ្យគ្រោះថ្នាក់ស្រាល ដល់ប្រពន្ធអ្នកបង្កឈ្មោះធី ណាវី អាយុ៣៤ឆ្នាំ ត្រូវរបួសជើង និងដៃ ខាងស្តាំព្រមទាំងកូនឈ្មោះតូ ស្រីនិ ភេទស្រី អាយុ២ឆ្នាំ របួសត្រូវមុខ ក្រោយកើតហេតុ កងរាជអាវុធហត្ថខេត្តបានចុះមកពិនិត្យ ធ្វើកំណត់ហេតុ និងរៀបចំចាត់ចែងទៅការតាមនីតិវិធីច្បាប់ ៕
