ភ្នំពេញ៖ ពេញមួយឆ្នាំ២០២០កន្លងទៅនេះ រដ្ឋបាលរាជធានីភ្នំពេញ បានរក្សានូវសន្តិសុខសណ្ដាប់ធ្នាប់ ការគ្រប់គ្រងទប់ស្កាត់ជំងឺកូវីដ–១៩ជាមួយនឹងការគ្រប់ គ្រងរដ្ឋបាលទូទៅបានយ៉ាងល្អប្រសើរ រហូតទទួលបាននូវការគាំទ្រនិងការជឿទុកចិត្តពីសំណាក់បងប្អូនប្រជាពលរដ្ឋនៅរាជធានីភ្នំពេញយ៉ាងពេញទំហឹង។
នេះបើតាមការលើកឡើងរបស់ លោក ឃួង ស្រេង អភិបាលរាជធានីភ្នំពេញ និង លោកប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ ក្នុងកិច្ចប្រជុំសាមញ្ញលើកទី២០ របស់ក្រុមប្រឹក្សារាជធានីភ្នំពេញនាព្រឹកថ្ងៃទី១៣ មករា ឆ្នាំ២០២១ ។
លោក ឃួង ស្រេង បានមានប្រសាសន៍ លើកឡើងថា បញ្ហាសន្តិសុខសណ្ដាប់ធ្នាប់សាធា រណៈការទប់ស្កាត់ជំងឺកូវីដ–១៩និងការ គ្រប់គ្រងរដ្ឋបាលទូទៅ ឃើញថាក្នុងមួយឆ្នាំ២០២០នេះ រដ្ឋបាលរាជធានីភ្នំពេញរក្សាបានយ៉ាងល្អប្រសើរ ។ ប៉ុន្តែក៏នៅ មានចំណុចខ្វះខាតសេសសល់មួយចំនួន ដែល
អាជ្ញាធរត្រូវបន្តយកចិត្តទុកដាក់ថែមទៀតនោះដែរ។
លោកប៉ា សុជាតិវង្ស បានស្នើឲ្យអាជ្ញាធររាជធានីភ្នំពេញខិតខំប្រមូលផ្ដុំកម្លាំងដើម្បីអនុវត្តធ្វើយ៉ាងណាឱ្យភូមិ សង្កាត់មានសុវត្ថិភាពនិងត្រៀមបង្ហាញពីសមិទ្ធ ផលនានាជាមួយនឹងការរក្សាសន្តិសុខសណ្ដាប់ធ្នាប់ទាំងនេះ បង្ហាញឲ្យសាធារណៈជន បានឃើញ ដើម្បីយើងត្រៀមទទួលយកជោគជ័យក្នុងការ បោះឆ្នោតជ្រើសរើសក្រុមប្រឹក្សាសង្កាត់នៅឆ្នាំ២០២២ខាងមុខ នេះ ។ លោកក៏បានស្នើសុំឲ្យពង្រឹងតួនាទីគ្រប់ថ្នាក់ ទាំងថ្នាក់ខណ្ឌ និងសង្កាត់ពីរបៀបរបបធ្វើការងារឲ្យកាន់តែល្អប្រសើរ កាន់តែទំនើបធានាបានស្ថេរភាព១០០%។
ក្រុមប្រឹក្សារាជធានីបានសម្តែង ការកោតសរសើរចំពោះរដ្ឋបាលរាជធានីភ្នំពេញ ដែលបានយកចិត្តទុក ដាក់ដល់ការខិតខំពង្រឹង ការបង្ក្រាបបទល្មើស គ្រឿង ញៀន និងច្បាប់ចរាចរណ៍ផ្លូវគោក ក៏ដូចជាការដោះស្រាយបញ្ចប់ទំនាស់ និងពាក្យបណ្តឹង ក្នុងឆ្នាំ២០២០ កន្លងមកនេះ ដែលថ្នាក់ខណ្ឌបានដោះស្រាយបញ្ចប់ចំនួន ១៨៨ករណី និងថ្នាក់សង្កាត់ ដោះស្រាយបញ្ចប់បាន ២,៤៨ករណី។ មន្ទីរវប្បធម៌ និងវិចិត្រសិល្បៈ បានខិតខំសិក្សាស្រាវជ្រាវរកឃើញសំណង់ ចាស់ៗនៅ តាមវត្តចំនួន៦៩ លើ៨៩វត្ត ក្នុងខណ្ឌទាំង ១៤ ព្រមទាំងរកឃើញវត្ថុបុរាណដែលមាននៅ តាមវត្តទាំង៣៦ លើ១១០វត្ត និងទួលបុរាណចំនួន ២ទៀត (ទួលសំរោង និងទួលចាស់)។ កោតសរសើរចំពោះសកម្មភាពការ បំបែកសហកម្មសិទ្ធិ តាមបុរីមួយចំនួន ៕