សូមស្វាគមន៍ ទ្រង់ សម្តេច ឯកឧត្តម លោកជំទាវ លោក លោកស្រី និង ប្រិយមិត្តអ្នកអានទាំងអស់ ចូលមកកាន់គេហទំព័រ យើងខ្ញុំ ។
ព័ត៌មាន​ថ្មី
​បន្ទាប់​ពី​កូនចៅ​ប្តឹង​ប្រធាន អនុប្រធាន ៥​រូប និង​ប្រធាន​ការិយាល័យ ២​រូប​នៃ​មន្ទីរ​រៀបចំ​ដែនដី ខេត្ត​បន្ទាយមានជ័យ ត្រូវ​ផ្ទេរ​ទៅ​ក្រសួង​ - ​រដ្ឋមន្ត្រីក្រសួង​ព័ត៌មាន​រំលឹក​ស្ថានីយ៍ទូរទស្សន៍​និង​ពិធីករ​ឲ្យ​ប្រយត្ន័​ក្នុង​ការផ្សព្វផ្សាយ​ពាណិជ្ចកម្ម​ពី​គ្រឿង​ស្រវឹង​ - អាហារ​សមុទ្រ​នៅ​ផ្លូវ​ត្រឡោកបែក​ប្រយត្ន័​ប៉ះអា​ក្លែងក្លាយ​ - ​សមត្ថកិច្ច​ជលផល​បង្ក្រាប​ការដឹកជញ្ជូន​លៀស​ល្អិតៗ​ចំណី​សត្វ ត្រៀម​ឡើង​រថយន្ត​យកទៅលក់​នៅ​ប្រទេស​វៀតណាម​ - ​ជម្ងឺប៉េស្ត​អាហ្វ្រិក​អុកឡុក​អ្នក​ភូមិ​កណ្តាល​ឃុំ​ខ្សែ​ត្រ​ខេត្ត​ស្វាយរៀង​ - លុបចោល​ក្រុមហ៊ុ​ដឹកជញ្ជូន​ចំនួន​៣៧​ព្រោះ​ផុត​សុពលភាព​ - លៀស​មានតម្លៃ​នៅ​ទីផ្សារ​បង្ក​ភាពហិនហោច​នៅ​បឹង​ទន្លេសាប​ - ​ក្រុមហ៊ុន​ចិន​យល់ព្រម​ឲ្យប្រើ​ប្រាស់​ផ្លូវចូល​-​ចេញ អាកាសយានដា្ឋន​អន្តរ​ជាតិ​សៀមរាប​អង្គរ និង​តម្លៃ​ចំណត​យានយន្ត​ - ទីបំផុត​ពលរដ្ឋ​២៤០​គ្រួសារ​នៅ​ស្រុក​អូរ​គ្រៀង​សែន​ជ័យ អាច​បន្ត​កាន់កាប់​លើ​ដី​អាស្រ័យ​ផល​ជាក់ស្តែង តែ​ហាម​ទន្ទ្រាន​លើ​ដី​សហគមន៍ ទៀត​ - ​រឿង​កូនចៅ​ប្តឹង​ដក​មេ​នគរបាល​ស្រុក​ស្វាយទៀប​ស្ងាត់ឈឹង​មិនដឹង​ទើស​ប្រឡោះ​ស្នែង​ណា​?

តំណាងរាស្ត្រ​មណ្ឌល​រតនគិរី​និង​សម្ព័ន្ធ​យុវជន​ស្រលាញ់​សន្តិភាព​សាខា​ខេត្តរតនគិរី​រៀបចំ​ក្រុង​ពាលី​លើក​រូបសំណាក​លោកតា​ក្រម​ង៉ុយ​នៅ​វិទ្យាល័យ​ហ៊ុន​សែន​ស្រុក​អណ្តូង​មាស​

តំណាងរាស្ត្រ​មណ្ឌល​រតនគិរី​និង​សម្ព័ន្ធ​យុវជន​ស្រលាញ់​សន្តិភាព​សាខា​ខេត្តរតនគិរី​រៀបចំ​ក្រុង​ពាលី​លើក​រូបសំណាក​លោកតា​ក្រម​ង៉ុយ​នៅ​វិទ្យាល័យ​ហ៊ុន​សែន​ស្រុក​អណ្តូង​មាស​

(​រតនគិរី​) ៖ នៅ​ព្រឹក​ថ្ងៃទី​១៥​ខែ​ឆ្នូ​ឆ្នាំ​២០២០​លោក ប៊ូ ឡាំ អ្នកតំណាងរាស្ត្រ​មណ្ឌល​រតនគិរី និង​សម្ព័ន្ធ​យុវជន​ស្រលាញ់​សន្តិភាព​សាខា​ខេត្ត​រតនគិរី​បាន​រៀបចំ​ក្រុង​ពាលី​លើក​រូបសំណាក​លោកតា​ក្រម​ង៉ុយ​នៅ​វិទ្យាល័យ​ហ៊ុន​សែន​ស្រុក​អណ្តូង​មាស ។​

​ពិធី​ខាងលើនេះ​ប្រព្រឹត្តទៅ​តាម​បែប​ព្រះពុទ្ធសាសនា ដោយ​មាន​គ្រឿង​សក្ការៈបូជា​ថ្វាយ​ម្ចាស់​ទឹក ម្ចាស់​ដី​សុំ​សេចក្តីសុខ និង​បួងសួង​ដល់​វត្ថុ​ស័ក្តិសិទ្ធិ​ក្នុង​លោក ជួយ​បីបាច់​ថែរក្សា​ប្រជាជន​កម្ពុជា​ឲ្យ​រួចផុត​ពី​ជំងឺ​កូវី​ដ​-១៩ ។​

​បើ​តាម​លោក សុខ គឹម​អ៊ាង អនុប្រធាន​សម្ព័ន្ធ​យុវជន​ស្រលាញ់​សន្តិភាព​សាខា​ស្រុក​អណ្តូង​មាស ប្រាប់ឲ្យដឹង​ថា រូបសំណាក​លោកតា ក្រុម​ង៉ុយ ក្រុង​ពាលី​លើក​នៅ​ពេល​នេះ គឺ​កើត​ចេញពី​ទឹកចិត្ត​សទ្ធា​ជ្រះថ្លា​របស់​លោកគ្រូ អ្នកគ្រូ​និង​សមាជិក សមាជិកា​សម្ព័ន្ធ​យុវជន​ស្រលាញ់​សន្តិភាព សាខា​ខេត្ត​រតនគិរី បាន​បរិច្ចាគ​ថវិកា​រៀងៗ​ខ្លួន កសាង​បាន​សមិទ្ធផល​ខាងលើនេះ ទុក​ជា​កេរ្តិ៍តំណែល​កូនចៅ​ជំនាន់​ក្រោយ ។

​លោក​បន្តថា ក្រៅពី​រូបសំណាក​លោកតា​ក្រម​ង៉ុយ​នោះ គឺ​សម្ព័ន្ធ​យុវជន​ស្រលាញ់​សន្តិភាព សាខា​ខេត្ត​រតនគិរី ដែល​មាន​លោក សាយ សា​មាន ជា​ប្រធាន​បាន​កសាង​រូបសំណាក​ព្រះ​ជ័យវរ្ម័ន​ទី ៧ និង​រូបសំណាក​ព្រះសង្ឃរាជ​ជួន​ណាត​ដាក់​ដំកល់​នៅ​ក្នុង​វិទ្យាល័យ​ហ៊ុន​សែន​ស្រុក​អណ្តូង​មាស​ផងដែរ ។

​ដោយឡែក លោក ម៉ម បាសាក់ នាយក​វិទ្យាល័យ ហ៊ុន សែន ស្រុក​អណ្តូង​មាស​ប្រាប់ឲ្យដឹង​ថា មាន​សិស្ស​សរុប ៥៨២ នាក់ (​ស្រី​២៨២​នាក់​) ចាប់ពី​ថ្នាក់​ទី ៧ រហូតដល់​ថ្នាក់​ទី​១២ ។

​លោក​បន្តថា វិទ្យាល័យ​នេះ​មាន​អគារ​កម្ពស់​២​ជាន់​សាងសង់​កាលពី​ឆ្នាំ​២០១២ ជា​អំណោយ​ដ៏​ថ្លៃថ្លា​របស់​សម្តេច​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​តាម​រយៈ​ក្រុមហ៊ុន​ទ្រី ភាព​។​

​សូមបញ្ជាក់​ថា ក្នុង​ពិធី​ខាងលើនេះ លោក ប៊ូ ឡាំ អ្នកតំណាងរាស្ត្រ​មណ្ឌល​រតនគិរី​បាន​នាំ​អំណោយ​សម្ភារ​សិក្សា និង​ថវិកា​មួយចំនួន​ជូន​សិស្ស​រៀន​ពូកែ​ចាប់​ពី​លេខ​១​ដល់​លេខ ៥ និង​រៀបចំ​បាយ​សាមគ្គី​ផងដែរ​៕
​ដោយ ចាប សំអាន​

Filed in: ព័ត៌មានជាតិ