ចិន៖ យោងតាមការចេញផ្សាយដោយសារព័ត៌មាន Reuters នៅថ្ងៃពុធ ទី១១ ខែវិច្ឆិកា ឆ្នាំ២០២០ឲ្យដឹងថា ប្រទេសចិន បានទាមទាឱ្យសហរដ្ឋអាមេរិក បញ្ឈប់ការបង្កើនចំណងទាក់ទងជាមួយកោះតៃវ៉ាន់។ប្រតិកម្មរបស់ចិនដីគោគកើតឡើង បន្ទាប់ពីទីក្រុងវ៉ាស៊ីនតោន និងតៃប៉ិ(តៃវ៉ាន់)បានប្រកាសថា ពួកគេនឹងបើកកិច្ចចរចាសេដ្ឋកិច្ច នៅក្នុងខែវិច្ឆិកានេះ។
រដ្ឋាភិបាលកោះតៃវ៉ាន់ បានហៅកិច្ចចរចានេះថាជា «ព្រឹត្តិការណ៍ដ៏សំខាន់» នៅក្នុងទំនាក់ទំនងរវាងប្រទេសទាំងពីរ។ ប្រទេសចិន បានចាត់ទុកកោះតៃវ៉ាន់ ដែលគ្រប់គ្រងដោយលទ្ធិប្រជាធិបតេយ្យរបស់ខ្លួន មិនមានសិទ្ធិក្នុងការបង្កើតចំណងទាក់ទងជាផ្លូវការជាមួយប្រទេសដទៃទៀតឡើយ។ ប៉ុន្តែ នាពេលថ្មីៗនេះ ចិនបានបង្ហាញពីការព្រួយបារម្ភពេលដែលកោះតៃវ៉ាន់បានទទួលការគាំទ្រពីសហរដ្ឋអាមេរិក ដូចជាការលក់អាវុធថ្មីៗ និងការធ្វើទស្សនកិច្ចរបស់មន្ត្រីជាន់ខ្ពស់អាមេរិកទៅទីក្រុងតៃប៉ិ ជាដើម។
នៅទីក្រុងប៉េកាំង អ្នកនាំពាក្យក្រសួងការបរទេសចិន លោក វ៉ាង វិនពីន (Wang Wenbin) បានគូសបញ្ជាក់ថា៖« ចិនបាន ជំទាស់រាល់ការផ្លាស់ប្តូរជាផ្លូវការណាមួយរវាងទីក្រុងវ៉ាស៊ីនតោន និងតៃប៉ិ ដោយបានទទូចដល់សហរដ្ឋអាមេរិកឱ្យបញ្ឈប់រាល់ការផ្លាស់ប្តូរ ជាផ្លូវការណាមួយដែលទាក់ទង ជាមួយកោះតៃវ៉ាន់ និងបញ្ឈប់ការបង្កើនចំណងទាក់ទងដ៏សំខាន់នេះផងដែរ»។
រដ្ឋាភិបាលទីក្រុងតៃប៉ិបានឱ្យដឹងដែរថា កោះតៃវ៉ាន់នឹងបញ្ជូនគណៈប្រតិភូតូចមួយ ទៅកាន់ទីក្រុងវ៉ាស៊ីនតោន ដែលដឹកនាំដោយអនុរដ្ឋមន្ត្រីក្រសួងកិច្ចការសេដ្ឋកិច្ច លោក Chen Chern-chy ឱ្យទៅចូលរួមក្នុងកិច្ចប្រជុំពិភាក្សាភាពជាដៃគូ វិបុលភាព សេដ្ឋកិច្ចអាមេរិក-តៃវ៉ាន់ ដែលគ្រោងនឹងបើកសម្ពោធនៅថ្ងៃទី២០ ខែវិច្ឆិកាខាងមុខនេះ។មានការកត់សម្គាល់ថាចាប់តាំងពីចិនរុកគួននិងបង្កើតច្បាប់អាជ្ញាសឹកដែលធ្វើឲ្យដែនដីកោះហុងកុងបាត់បង់ស្វយភាពដែនដីមួយប្រពន្ធ័គ្រប់គ្រងពីរមកអាមេរិកបានងាកមកបង្កើនចំណងទាក់ទងខ្លាំងជាមួយចិនដៅកោះតៃវ៉ានឌឺចិនដែលចង់ចូលមកគ្រប់គ្រងកោះតៃវ៉ាន់៧០ឆ្នាំមកហើយនោះមិនបាន ៕