ភ្នំពេញ ៖ ថ្ងៃទី ០២ ខែមេសាឆ្នាំ២០២០ ការិ យាល័យនិពន្ធ គេហទំព័រ មាតុភូមិ បានទទួល សេចក្តីរាយ ការណ៍តាមទូរស័ព្ទ ពី ប្រជាពលរដ្ឋរស់នៅ ក្នុង ស្រុកតាវែង ខេត្តរតនគិរី ប្រាប់ថា៖ មានករណីបាញ់បោះសេរីគំរាមមន្ត្រីប៉ូលីសក្រោមឱវាទ ដែលបង្ក ឡើងដោយលោកអធិការនគរបាលស្រុកតាវែង អស់ជាច្រើនគ្រាប់ កាលពី យប់ថ្ងៃទី២៧ ខែមីនា ឆ្នាំ២០២០ ។
ទាក់ទិន នឹងហេតុការណ័នេះ ក្រុមមន្ត្រីនគរបាលនៅក្នុងអធិការដ្ឋាននគរបាលស្រុកតាវែង ក្រោមឱវាទលោក អធិការ សម្បត្តិ កុសល ក៏បានរួមគ្នាដាក់ពាក្យ បណ្តឹង ប្តឹងទៅក្រុម ប្រឹក្សាស្រុកតាវែង រួច ហើយផងដែរ តែមកដល់ពេលនេះ នៅមិន ទាន់ឃើញមានចំណាត់ ការបែបណានៅឡើយទេចំពោះ លោកអធិការ ដ៏មហិមារម្នាក់នេះ ? ។ យោងតាមពាក្យបណ្តឹង ដែលការិយាល័យនិពន្ធ យើងទទួលបានៗសរសេរ រៀបរាប់យ៉ាងលំអិតដូចខាងក្រោម សូមអានពាក្យបណ្តឹង ។
សូមបញ្ជាក់ថា ករណី នេះគឺកាលពីថ្ងៃសុក្រទី ២៧ ខែមីនា ឆ្នាំ២០២០ វេលាម៉ោង១០និង ៣០ នាទីយប់ លោក សម្បតិ កុសល ដែលមានអត្តលេខ៥៧១៦៧ អធិ ការនគរបាលស្រុកតាវែង បានប្រើហិង្សា បាញ់គំរាមដោយអាវុធ មកលើកងកម្លាំង និង ជេរម្រថាថថាពួកអាឯង ដោយសារតែខ្លាចពួកអ្នករកស៊ីបានជាស្រុក តាវែងនេះមិនរីកចំរើនសោះផ្ទូយពីបទបញ្ជា និង វិន័យរបស់កង កម្លាំងនគរបាលជាតិ ។
លោកសម្បត្តិ កុសល ពេលចុះមកមើលកង កម្លាំងយាមនៅចំណុច ប៉ុស្តិ៍សន្តិសុខភូមិតាវែង ស្ពានទី៣ជាប់រង្វង់មូល ស្រុកតាវែង ។ ដោយដំបូងលោកអធិការសួរទៅកាន់កងកម្លាំងយាម នៅចំណុចកើតហេតុនោះថា(ពួកអាកន្ទួយម៉ែវានេះ)រួចក៏ទាញកាំភ្លើង ខ្លីម៉ាកឡុក បាញ់ឡើង លើចំនួន៩គ្រាប់ និង២ គ្រាប់ទៀតបាញ់ក្រោម អង្រឹងដំណេករបស់កង កម្លាំងក្រោមផ្ទះសន្តិ សុខ ។ ទាក់ទិននឹង សេចក្តីរាយការណ៍នេះ ការិយាល័យនិពន្ធយើង បានសុំការបំភ្លឺតាមទូរ ស័ព្ទពីលោក សម្បត្តិ កុសល អធិការនគរ បាលស្រុកតាវែង នៅព្រឹកថ្ងៃទី០២ ខែមេសា ឆ្នាំ២០២០ នេះ លោក បានឆ្លើយតបថា ករណី នេះគឺជាការយល់ច្រឡំហើយមិនមែនលោកទេ ជាអ្នកប្រព្រឹត្ត ដោយលោកបញ្ជាក់ថាបើលោកធ្វើបែបនេះមែន ខាងស្រុកហៅលោកទៅសួរនាំហើយព្រោះកើត ហេតុតាំងពីសប្តាហ៍មុន ម៉េះ ហើយឥលូវលោក ជាប់បើកឡានរួចក៏បិទ ទូរស័ព្ទ ។
ដោយឡែក លោកឧត្តមសេនីយ៍ទោ យិន ចំណាន ស្នងការ នគរបាលខេត្តរតនគិរី ក៏ បានប្រាប់តាមទូរស័ព្ទថា ករណីនេះលោកទើបតែ ទទួលបានរបាយការណ៍ ពីម្សិលមិញ មិនទាន់បានពិនិត្យមើលនៅ ឡើយទេដោយជាប់រវល់ ចាំពិនិត្យមើលហើយចាត់ចែងកម្លាំងចុះស្រាវជ្រាវ រួចបិទទូរស័ព្ទ ។ ប៉ុន្តែបើតាមប្រភពព័ត៌មានពី មន្ត្រីប៉ូលិសដែលមានគ្នាប្រមាណ៨នាក់ដែលបានដាក់ពាក្យបណ្តឹង នោះបានលួចខ្សឹបថា ពួកគាត់មានការភ័យ ខ្លាចខ្លាំងណាស់ ចំពោះ រឿងនេះ បើថ្នាក់ ដឹកនាំ ខាងលើមិនឆាប់ ចាត់ វិធានការដោះ ស្រាយទេនោះ ព្រោះ លោកអធិការគំរាមរកមុខអ្នកប្តឹងសឹងរាល់ថ្ងៃ ។ ករណីនេះ សង្ឃឹមថា លោកនាយឧត្តម សេនីយ៍ នេត សាវឿន អគ្គស្នងការ នគរបាលជាតិ នឹងពិនិត្យមើលហើយចាត់ វិធានការស៊ើបអង្កេត តាមនិតិវិធីច្បាប់ ដើម្បី ពង្រឹងវិន័យ កងកម្លាំង នឹងផ្តល់ ភាពកក់ក្តៅដល់កងកម្លាំងនគរបាលជាតិ ថ្នាក់ ក្រោមតាមមូលដ្ឋានជាមិនខាន ៕